Turkey Drone: पाकिस्तान सध्या भयंकर अशा आर्थिक संकटाचा सामना करत आहे. जनता वाढत्या महागाईने बेहाल आहे. मात्र, शाहबाज सरकारने शस्त्र खरेदीचा सपाटाच लावला आहे. तुर्कस्तानने आपले अत्यंत घातक आणि अत्याधुनिक ड्रोन अकिंसी पाकिस्तानला दिले आहे.

दरम्यान, तुर्कस्तानने ड्रोनवर नवा पॅच लावला आहे, ज्यावर काश्मीर हा पाकिस्तानचा भाग असल्याचे वर्णन करण्यात आले आहे. या पॅचमध्ये पाकिस्तानला (Pakistan) हिरव्या रंगात आणि तुर्कीला लाल रंगात दाखवले आहे. दोन्ही देशांच्या नकाशाच्या मध्यभागी लाल चंद्र आणि तारा दर्शविला आहे

दुसरीकडे, या पॅचवर गेम ऑफ ड्रोन लिहिले आहे, जे गेम ऑफ थ्रोन्स या लोकप्रिय टीव्ही मालिकेतून घेतले आहे. या ड्रोनमुळे पाकिस्तानच्या हवाई दलाची ताकद वाढली आहे.

हे ड्रोन हवेतील युद्धात माहिर आहे

हे ड्रोन (Drone) हवेत युद्ध करण्यात माहिर आहे. ते क्रूझ क्षेपणास्त्रांनीही सुसज्ज आहे. गेल्या वर्षी तुर्कीच्या ड्रोन कंपनी बायकरने पाकिस्तानी सैनिकांना अकिंसी ड्रोन उडवण्याचे प्रशिक्षण दिले होते. तुर्कीने हे ड्रोन 5 देशांना पुरवले आहेत. यामध्ये पाकिस्तान, किर्गिस्तान, अझरबैजान यांचा समावेश आहे.