पाकिस्तान (Pakistan) आणि तालिबानची 'मैत्री' जगापासून लपून राहिलेली नाही. हेच कारण आहे की, पाकिस्तानचे पंतप्रधान इम्रान खान (Imran Khan) यांनी अफगाणिस्तानमध्ये (Afghanistan) सर्वसमावेशक सरकार स्थापनेसाठी तालिबानशी (Taliban) 'चर्चा' सुरु केल्याचे म्हटले आहे. इम्रान म्हणाले की, आम्ही नवीन सरकारमध्ये ताजिक, हजारा आणि उझ्बेकचा समावेश करण्यासंबंधी आग्रह धरला आहे. पाकिस्तानी पंतप्रधानांचे हे विधान अशा वेळी आले जेव्हा SCO सदस्यांनी नवीन सरकारमध्ये सर्व जातीय, धार्मिक आणि राजकीय गटांना प्रतिनिधित्व देण्याची मागणी केली आहे.

15 ऑगस्ट रोजी अफगाणिस्तानमध्ये सत्तेवर आल्यानंतर तालिबानने सर्वसमावेशक सरकारचे (Taliban Government) वचन दिले होते. तथापि, 33 सदस्यीय मंत्रिमंडळ असलेल्या अंतरिम सरकारमध्ये हजारा समाजाचे (Hazara member) किंवा महिलांचे प्रतिनिधित्व केले गेले नाही. इम्रान पुढे म्हणाले, "अफगाणिस्तानच्या शेजारी देशांच्या नेत्यांशी आणि विशेषत: ताजिकिस्तानचे राष्ट्राध्यक्ष इमामाली रहमोनी यांच्याशी दुशान्बेमध्ये प्रदीर्घ भेटीनंतर मी तालिबान्यांना ताजिक, हजारा आणि उझबेक यांचा समावेश करण्यासाठी सर्वसमावेशक अफगाणिस्तान सरकारला बोलावून चर्चाही सुरु केली आहे.

इम्रान खान काय म्हणाले?

तथापि, ना इम्रानने 'चर्चेबद्दल' फारशी माहिती दिलेली नाही, ना त्यांच्या अधिकाऱ्यांनी या संदर्भात कोणतीही माहिती शेअर केली. दुसऱ्या ट्वीटमध्ये इम्रान म्हणाले, "40 वर्षांच्या संघर्षानंतर, हे सर्वसमावेशक सरकार शांतता आणि स्थिरता अफगाणिस्तान सुनिश्चित करेल, जे केवळ अफगाणिस्तानच नव्हे तर प्रादेशिक क्षेत्राच्या हिताचे असेल." याआगोदर संबोधित करताना इम्रान म्हणाले होते, तालिबानने सर्वसमावेशक राजकीय संरचनेसाठी दिलेली आश्वासने पूर्ण करणे आवश्यक आहे. सर्वसमावेशक सरकारमध्ये सर्व वांशिक गटांचे प्रतिनिधित्व असावे . अफगाणिस्तानच्या स्थिरतेसाठी हे महत्त्वाचे आहे.

SCO मुक्त, लोकशाही आणि शांततापूर्ण अफगाणिस्तानचे समर्थन

दरम्यान, इम्रान खान म्हणाले की, तालिबानने हक्कांचा आदर केला पाहिजे. त्याच वेळी, त्यांनी हे देखील सुनिश्चित केले पाहिजे की, अफगाणिस्तान पुन्हा कधीही दहशतवाद्यांचे आश्रयस्थान होणार नाही. एससीओ नेत्यांनी शुक्रवारी ताजिकिस्तानमध्ये ब्लॉकच्या वार्षिक शिखर परिषदेच्या शेवटी संयुक्त घोषणा जारी केली. दहशतवाद, युद्ध आणि ड्रग्जपासून मुक्त, लोकशाही आणि शांततापूर्ण अफगाणिस्तानसाठी समर्थनाचा आवाज उठवला आहे. त्यात असेही म्हटले आहे की, अफगाणिस्तानमध्ये सर्व जातीय, धर्म आणि राजकीय गटांचे सरकार असणे अत्यंत महत्वाचे आहे.