Social Media Viral Video: सोशल मीडियावर एक अतिशय धोकादायक व्हिडिओ व्हायरल होत आहे. या व्हिडीओमध्ये एक व्यक्ती दुसऱ्या व्यक्तीसोबत भांडताना दिसत आहे.

व्हिडिओमध्ये सर्वात आश्चर्याची गोष्ट म्हणजे हा व्यक्ती आपल्या पाळीव सापाचा भांडणादरम्यान (Man Using His Pet Python As A Weapon) हत्यार म्हणून वापर करत आहे.

सापाच्या मदतीने हा व्यक्ती कशी झुंज देत आहे, हे सोशल मीडियावर पाहायला मिळत आहे. हा व्हिडिओ पाहिल्यानंतर लोकही अंचबित झाले आहेत.

दरम्यान, हा व्हायरल व्हिडिओ कॅनडातील टोरंटोमधील आहे. एका व्यक्तीने आपल्या पाळीव सापाचा भांडणादरम्यान शस्त्र म्हणून वापर केल्याचे सांगितले जात आहे.

सीबीसी न्यूजनुसार, बुधवारी सकाळी 11:50 वाजता ही घटना घडली. व्हिडिओमध्ये एक व्यक्ती दुसऱ्या व्यक्तीला मारत असल्याचे दिसून येत आहे. तर साप त्याच्या हातातून हवेत उसळी मारताना दिसत आहे.

तो सापाच्या साहाय्याने दुसऱ्या व्यक्तीवर हल्ला करत आहे. मात्र, त्यानंतर पोलिस (Police) घटनास्थळी येतात आणि दोघांना जमिनीवर झोपायला सांगतात, असे या व्हिडिओमध्ये दिसत आहे.

दुसरीकडे, हा व्हिडिओ Crazy Clips नावाच्या सोशल मीडिया (Social Media) यूजर हँडलवर शेअर करण्यात आला आहे. हा व्हिडिओ 45 लाखांहून अधिक लोकांनी पाहिला आहे.

त्याचबरोबर, या व्हिडिओवर अनेकांच्या प्रतिक्रियाही पाहायला मिळत आहेत. या प्रकरणाबद्दल सांगताना टोरंटो पोलिस म्हणाले की, टोरंटोचे 45 वर्षीय रहिवासी लॉरेनियो अविला यांना ताब्यात घेण्यात आले आहे. प्राण्याचा शस्त्र म्हणून वापर करण्यासंबंधी गुन्हा नोंदवण्यात आला आहे.