North Korean leader: उत्तर कोरियाचे नेते किम जोंग (Kim Jong Un) यांचे वजन कमी झाल्याची चर्चा आतरराष्ट्रीय स्तरावर रंगत आहे. वजन कमी केल्यानंतर, सरकारी माध्यमांनी जारी केलेल्या छायाचित्रांमध्ये किम खूपच स्लिम दिसत आहे. किमचे नवीन छायाचित्र कोरियन सेंट्रल न्यूज एजन्सीने (KCNA) प्रसिद्ध केले आहे. या आठवड्यात झालेल्या सत्ताधारी पक्षाच्या वार्षिक सभेला त्यांनी हजेरी लावली होती.

डेली मेलमधील वृत्तानुसार, बैठकीत उपस्थित असलेल्या सरकारी अधिकाऱ्यांनी त्यांच्या पक्षाला आणि तेथे काम करणाऱ्या लोकांना मार्गदर्शन करण्यासाठी किम यांना बोलावले होते. मिळालेल्या माहितीनुसार, पाच फूट सात इंच किमचे वजन गेल्या वर्षी 140 किलो इतके होते. द सनच्या वृत्तानुसार, किमला लॉबस्टर खायला आवडते. त्याचवेळी अधिकाऱ्यांनी सांगितले की, उत्तर कोरियाचे लोक उपासमार आणि गरिबीचा सामना करत आहेत. त्यामुळे हुकूमशहा किमनेही त्यांचा जेवणाचा डोस कमी केला आहे.

अन्न टंचाई बद्दल चर्चा

या बैठकीत हुकूमशहा किमने वर्कर्स पार्टीच्या लोकांसोबत नव्या वर्षाची आपली योजना सांगितली. मिळालेल्या माहितीनुसार, सोमवारी झालेल्या या बैठकीत सर्व उच्च सरकारी अधिकारी आणि लष्कराचे जनरल सामील होते. मात्र, उपोषणाव्यतिरिक्त कोणत्या मुद्द्यांवर बैठकीत चर्चा झाली, याबाबत माहिती देण्यात आली नाही.

नागरिकांना कमी खाण्याचे आवाहन

उत्तर कोरियामध्ये अन्नाच्या कमतरतेमुळे किम जोंग-उनने जेवण कमी केल्याचे सांगितले जात आहे. सरकारी अधिकाऱ्यांच्या म्हणण्यानुसार, किम जोंग-उनने आपल्या नागरिकांना परिस्थिती सामान्य होईपर्यंत कमी अन्न खाण्याचे आवाहन केले आहे.

सुमारे 860,000 टन अन्नधान्याची कमतरता

ऑक्टोबरमध्ये किम जोंग-उन यांनी देशातील नागरिकांना आवाहन केले होते की, जोपर्यंत उत्तर कोरिया 2025 मध्ये चीनसोबतची सीमा पुन्हा उघडत नाही, तोपर्यंत लोकांना कमी अन्न खावे लागेल. संयुक्त राष्ट्रांच्या अन्न आणि कृषी संघटनेने अंदाज व्यक्त केला आहे की उत्तर कोरियामध्ये यावर्षी सुमारे 860,000 टन अन्नाची कमतरता आहे.