China: मिडल ईस्टमध्ये सौदी अरेबिया आणि इराण यांच्यामध्ये शत्रुत्व असलेले दिसून येते. या दोन देशांच्या आरोप- प्रत्यारोपामुळे सौदी अरेबिया आणि इराण चर्चेचे कारण बनतात.

आता चीनच्या मध्यस्तीने या दोन देशांनी सांमजस्याचा करार केला आहे. चीनची राजधानी बीजींगमध्ये चार दिवस चर्चा चालू होती. त्यानंतर इराण आणि सौदी अरेबियामध्ये राजनैतिक सामंजस्य करार झाला आहे.

दोन्ही देशामध्ये सामंजस्य करार करुन आणण्यामध्ये चीनची महत्वाची भूमिका आहे. हा करार यशस्वी झाला तर त्याचा परिणाम भारतावर होऊ शकतो कारण यामध्ये चीनची मोठी भूमिका आहे, असे तज्ञांकडून मत व्यक्त केले जात आहे.

काही तज्ञांनी असे मत व्यक्त केले आहे की इराण आणि सौदी अरेबिया यांच्यात वाद असल्याने आंतरारष्ट्रीय पातळीवरील या दोन देशाबाबतच्या मुद्यावर भारता( India )ला दुविधेचा सामना करावा लागत होता.

कारण भारताचे दोन्ही देशाबरोबर संबंध चांगले आहेत. आता दोन्ही देशातील संबंध सुधारले तर भारताची दुविधा कमी होण्यास मदत होईल असे म्हटले आहे.