Russia-Ukraine War: रशिया-युक्रेन यांच्यात सुरु असलेलं युद्ध थांबण्याचं नाव घेत नाहीये. दरम्यान, 2022 मध्ये युक्रेनमध्ये झालेल्या क्लस्टर बॉम्बस्फोटात 900 हून अधिक लोकांचा मृत्यू झाल्याचे सांगण्यात येत आहे.

क्लस्टर शस्त्रांवर बंदी घालण्याचे आवाहन करणाऱ्या गैर-सरकारी संस्था नेटवर्क क्लस्टर मुनिशन कोलिशनचे म्हणणे आहे की, इतक्या लोकांच्या मृत्यूमुळे जागतिक स्तरावर एक नवीन रेकॉर्ड प्रस्थापित झाला आहे.

गेल्या वर्षी फेब्रुवारीमध्ये रशियाने युक्रेनवर आक्रमण केल्यापासून, त्याने जुनी क्लस्टर शस्त्रे आणि नवीन विकसित शस्त्रे "मोठ्या प्रमाणावर" वापरली आहेत.

दरम्यान, युक्रेनियन सैन्याने "काही प्रमाणात" अशी शस्त्रे देखील वापरली आहेत, जरी अमेरिकेकडून शस्त्रे पुरवल्यानंतर हे बदलू शकते. युक्रेनमध्ये अनेक वर्षांपासून क्लस्टर बॉम्बमुळे कोणीही मरण पावले नाही, परंतु गेल्या वर्षी 916 मृत्यूची नोंद झाली.

तसेच, शेकडो लोक जखमी झाले आहेत. यामध्ये सर्वाधिक सामान्य नागरिकांचा समावेश असल्याचे सांगण्यात येत आहे.

त्याचवेळी, युक्रेन सततच्या हल्ल्यांमुळे उद्ध्वस्त होत असताना, रशियाला प्रत्युत्तर देण्यासाठी ड्रोन हल्ले करत आहे, त्यामुळे रशिया अडचणीत आला आहे. गेल्या 24 तासांत मॉस्कोच्या अनेक भागात युक्रेनियन ड्रोन दिसले. काही ठिकाणी हल्लेही झाले.

रशियाचे राष्ट्राध्यक्ष व्लादिमीर पुतिन (Vladimir Putin) यांच्या निवासस्थानाजवळ युक्रेनचे ड्रोन पोहोचले. मात्र, युक्रेनियन ड्रोन नष्ट करण्यात आले. युक्रेनचे सर्व ड्रोन पाडण्यात आल्याचा दावा रशियाकडून वेळोवेळी करण्यात आला आहे.

युक्रेनच्या हल्ल्यानंतर मॉस्कोमध्ये हाय अलर्ट

मीडिया रिपोर्ट्सनुसार, मॉस्को रेल्वे स्टेशनजवळ मोठा विस्फोट झाला. लेनिनग्राड रेल्वे स्थानकाजवळ हल्ला करण्याचा प्रयत्न झाला. स्फोटानंतर गोदामाला आग लागली. युक्रेनच्या हल्ल्यानंतर मॉस्कोमध्ये हाय अलर्ट जाहीर करण्यात आला आहे.

येथील दोन प्रमुख विमानतळे पूर्णपणे बंद करण्यात आली. या दोन्ही विमानतळांवरील सर्व उड्डाणे रद्द करावी लागली. 50 हून अधिक उड्डाणांना उशीर झाला किंवा रद्द झाली.

युक्रेनचे (Ukraine) हे धाडस पुतिन यांना हादरवून सोडणारे आहे, कारण मॉस्कोवर 5 दिवसांत झालेला हा दुसरा ड्रोन हल्ला आहे.