रशियाच्या आक्रमणानंतर आता युक्रेनमधील महिला स्वत: च्या जीव वाचवण्यासाठी लढत आहेत. इव्हांकिव शहरातील महिलांवरील बलात्कार टाळण्यासाठी केस कापण्याची सक्ती केल्याची माहिती समोर आली आहे. पण येथे महिलांवर बलात्कार झाल्याच्या बातम्या येण्याची ही पहिलीच वेळ नाही. यापूर्वी एका महिलेने दावा केला होता की रशियन सैनिकांनी तिच्यावर बलात्कार केला होता. रशियाचे अध्यक्ष व्लादिमीर पुतिन यांनी 24 फेब्रुवारी रोजी युक्रेनवर लष्करी कारवाईची घोषणा केली आहे.

मिळालेल्या माहितीनुसार, उपमहापौर मरिना बेशास्ताना यांनी सांगितले की, रशियन सैन्याकडून महिलांवर होणाऱ्या अत्याचारापासून बचाव होण्यासाठी महिला केस कापत आहेत. यामुळे त्यांचे सौंदर्य कमी होईल असे त्यांचे मत आहे. 30 मार्च रोजी युक्रेन रशियन सैन्याच्या नियंत्रणातून मुक्त झाले. मरिना म्हणाल्या युद्धा दरम्यान महिला (women) केसांनी पकडून ओढून नेत त्यांच्यावर अत्याचार केले गेले आहेत. त्या म्हणाला महिला कमी आकर्षक दिसण्यासाठी केस कापत आहेत, जेणेकरून त्यांच्याकडे कोणात्याही पुरूषांचे लक्ष जावू नये' यादरम्यान त्यांनी जवळच्या गावात 15 आणि 16 वर्षांच्या दोन बहिणींवर बलात्कार झाल्याची घटनाही सांगितली.

अलीकडेच एका युक्रेनियन महिलेने दावा केला की, रशियन सैनिकांनी तिच्या पतीची हत्या केल्यानंतर तिच्यावर बलात्कार केला. याशिवाय रशियन सैनिकांनी 10 वर्षांच्या मुलींवर बलात्कार केल्याचा दावा युक्रेनच्या खासदार लेसिया वेसिलेंक यांनी केला आहे.