Robot Breakdance Video: सोशल मीडियावर सध्या एक व्हिडिओ व्हायरल झाला आहे, ज्यामध्ये एक रोबोट (Robot) ब्रेक डान्स (Break Dance) करताना दिसत आहे, पण अचानक तो तोल जाऊन पडतो. हा व्हिडिओ व्हायरल झाल्यानंतर लोक रोबोटिक्सवरच (Robotics) प्रश्नचिन्ह उपस्थित करु लागले आहेत. ‘रोबोट खरोखरच माणसांसारख्या जटिल हालचाली करु शकतात का?’ असा सवाल लोक विचारत आहेत.
व्हायरल झालेल्या व्हिडिओमध्ये एक रोबोट जॅकेट आणि टोपी घालून डान्स (Dance) करताना दिसतो. हा रोबोट अनेक आकर्षक डान्स स्टेप्स (Dance Steps) करतो, ज्या ब्रेक डान्ससारख्या दिसतात. मात्र, अचानक त्याची टोपी खाली पडते आणि तोल जाऊन तो जमिनीवर कोसळतो. आश्चर्याची गोष्ट म्हणजे पडल्यानंतरही त्याचे हात-पाय काही सेकंद त्याच प्रकारे हालत राहतात, जणू त्याला ‘फेफरे’ आले असावे. काही वेळातच रोबोटच्या हालचाली थांबतात आणि कंपनीचे कर्मचारी त्याच्यापर्यंत पोहोचतात.
मानवी शरीर (Human Body) शेकडो हालचाली करण्यास सक्षम आहे, जे 206 हाडे (Bones) आणि हजारो स्नायूंच्या (Muscles) जटिल समन्वयामुळे शक्य होते. परंतु रोबोटसाठी अशा हालचालींची नक्कल करणे सोपे नाही. या व्हिडिओमध्ये दाखवलेला प्रयोग कदाचित रोबोट किती प्रमाणात मानवी हालचालींची नक्कल करु शकतो, हे तपासण्यासाठीच असावा. मात्र, हा प्रयोग अयशस्वी ठरला, कारण रोबोटला संतुलन (Balance) राखता आले नाही.
हा व्हिडिओ सोशल साईट 'एक्स'वर (@justinboldaji) @justinboldaji नावाच्या अकाउंटवरुन शेअर करण्यात आला आहे. या व्हिडिओला आतापर्यंत 1.21 कोटी व्ह्यूज (Views), 67 हजार लाईक्स (Likes) आणि 1400 कमेंट्स (Comments) मिळाल्या आहेत. लोकांनी यावर मजेदार कमेंट्स केल्या आहेत. एका युझरने मस्करीत विचारले, “हे तूच आहेस का ग्रोक?” तर दुसऱ्या युझरने लिहिले, “टोपीमध्ये कदाचित बॅलन्सिंग सेन्सर असावा, तो पडल्यामुळे रोबोटही पडला.” आणखी एका युझरने रोबोटच्या दृष्टिकोनातून समजावले, “डान्सची आज्ञा मिळाल्यावर रोबोट ॲनिमेशन (Animation) प्ले करतो. जर तो पडला तरी ॲनिमेशन चालू राहते, किंवा तो संतुलन राखण्याचा प्रयत्न करत असताना असे करतो.”
दरम्यान, या व्हिडिओमुळे रोबोटिक्सच्या भविष्यावर आणि मानवी हालचालींची नक्कल करण्याच्या क्षमतेवर पुन्हा एकदा चर्चा सुरु झाली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.