Sabrina Siddiqui Questions to PM Modi: वॉल स्ट्रीट जर्नलची रिपोर्टर सबरीना सिद्दीकी सध्या ऑनलाइन खूप ट्रोल होत आहे. ही तीच पत्रकार आहे, जिने गेल्या आठवड्यात जो बिडेन यांच्यासोबत संयुक्त पत्रकार परिषदेत पंतप्रधान नरेंद्र मोदी यांना भारतातील अल्पसंख्याकांच्या हक्कांबाबत प्रश्न विचारला होता.

याशिवाय सिद्दीकी यांनी पंतप्रधान मोदींना त्यांच्या सरकारने अभिव्यक्ती स्वातंत्र्य राखण्यासाठी कोणती पावले उचलली आहेत, याबद्दल विचारले होते.

हा ट्रोलिंगचा प्रकार समोर आल्यानंतर व्हाइट हाउसचे प्रवक्ते तसेच राष्ट्रीय सुरक्षा परिषदेचे समन्वयक जॉन किर्बी, यांनी ऑनलाइन ट्रोलिंगचा निषेध केला आहे. हा प्रकार पूर्णपणे अस्वीकार्य असून, तो सहन केला जाणार नाही, असे म्हटले आहे.

संयुक्त पत्रकार परिषदेच्या एका दिवसानंतर रिपोर्टर सिद्दीकी यांच्यावर काही लोकांनी आरोप केले आणि त्यांना 'पाकिस्तानी इस्लामिस्ट' म्हटले.

यामध्ये खासकरुन भारतीय जनता पक्ष आणि पंतप्रधान नरेंद्र मोदी यांचे समर्थक मोठ्या प्रमाणात होते.

जीन-पियरे म्हणाल्या की अमेरिका वृत्तपत्र स्वातंत्र्यासाठी वचनबद्ध आहे, म्हणूनच संयुक्त पत्रकार परिषद आयोजित केली होती. दरम्यान, दक्षिण आशियाई पत्रकार संघाने (SAJA) सिद्दीकी यांच्यावर झालेल्या ऑनलाइन गैरवर्तनाच्या पार्श्वभूमीवर त्यांना पाठिंबा दर्शवला आहे.

पंतप्रधान मोदींना विचाराला होता हा प्रश्न

खरं तर, सबरीना यांनी पंतप्रधान मोदींना भारतातील अल्पसंख्याकांसोबत कथित भेदभावाबाबत प्रश्न विचारला होता. मात्र, त्याच दिवसापासून ती सोशल मीडिया यूजर्सच्या निशाण्यावर आली.

पंतप्रधान मोदींना प्रश्न करत त्या म्हणाल्या की, भारत स्वत:ला जगातील सर्वात मोठी लोकशाही मानतो पण तुमच्या सरकारने धार्मिक अल्पसंख्याकांशी भेदभाव केला आहे आणि टीका करणाऱ्यांना गप्प करण्याचा प्रयत्न केला आहे.

अशा परिस्थितीत, तुमच्या देशातील मुस्लिम आणि इतर अल्पसंख्याकांचे अधिकार सुधारण्यासाठी आणि अभिव्यक्ती स्वातंत्र्य राखण्यासाठी तुम्ही आणि तुमचे सरकार कोणती पावले उचलत आहात?