अमेरिकेतील मिसिसिपीमध्ये (Mississippi, America) एका विमानाचे अपहरण केल्याची बातमी समोर आली आहे. समोर आलेल्या माहितीनुसार, पायलटने शॉपिंग सेंटरवरती विमान क्रॅश करण्याची धमकी दिली आहे. मिसिसिपीमधील तुपेलो येथील स्थानिक वॉलमार्ट येथे जाणूनबुजून विमान क्रॅश करण्याची धमकी पायलटने दिली असल्याचे पोलिसांनी म्हटले आहे.

पायलटने विमान क्रॅश होण्याची धमकी दिल्यानंतर लोकांना सतर्कतेचा इशारा देण्यात आला आहे. वॉलमार्ट येथे विमान क्रॅश करण्याची धमकी दिल्यानंतर पोलिसांनी मिसिसिपीमधील दुकाने देखील खाली करण्यात आली आहेत.

द वॉशिंग्टन पोस्टने दिलेल्या बातमीनुसार, एक छोटं खाजगी विमान उडवणारा पायलट शनिवारी पहाटे तुपेलोच्या आकाशात प्रदक्षिणा घालत होता आणि वॉलमार्ट स्टोअरवर विमान क्रॅश करण्याची धमकी देत ​​होता. तुपेलो पोलिसांनी सांगितले की, पहाटे पाच वाजता विमानाचे उड्डाण झाल्याचे माहिती त्यांना मिळाली. पोलिसांनी पायलटशी बोलणं देखील झालं असल्याची सांगितले आहे.