PM Modi & Other World Leaders As Babies: सोशल मीडियावर दररोज वेगवेगळ्या प्रकारचे अनेक व्हिडओ व्हायरल होत असतात. अशातच, सोशल मीडियावर एक व्हिडिओ तूफान व्हायरल होत आहे. हा व्हिडिओ पाहून तुम्हीही पहिल्यांदा थबकाल. होय खरंच... आजच्या तंत्रज्ञानाच्या युगात आपण आर्टिफिशियल इंटेलिजन्सनच्या माध्यमातून अनेक गोष्टी साध्य केल्या आहेत. सोशल मीडियावरील हा व्हिडिओ आर्टिफिशियल इंटेलिजन्सनच्या माध्यमातून बनवण्यात आला आहे. आधी हा व्हिडिओ पाहा...

दरम्यान, सोशल मीडियावर व्हायरल होत असलेला हा व्हिडिओ जागातील बडे नेते लहान असताना कसे दिसत असतील यासंबंधीचा आहे. व्हिडिओमध्ये पंतप्रधान नरेंद्र मोदी, अमेरिकेचे राष्ट्राध्यक्ष जो बायडन, जर्मन चान्सलर ओलाफ स्कोल्झ, रशियाचे अध्यक्ष व्लादिमीर पुतिनसह इतर अनेक प्रमुख नेते आहेत. व्हिडिओमध्ये या प्रतिमा एकामागून एक दिसत असून कॅप्शनमध्ये चित्रित नेत्याचे नाव लिहिले आहे.

व्हिडिओमध्ये उत्तर कोरियाचे नेते किम जोंग उन, फ्रान्सचे अध्यक्ष इमॅन्युएल मॅक्रॉन, पाकिस्तानचे पंतप्रधान शाहबाज शरीफ, पोप फ्रान्सिस, कॅनडाचे पंतप्रधान जस्टिन ट्रूडो आणि इतर देखील आहेत. या व्हिडिओला X वर 145.3k पेक्षा जास्त व्ह्यूज मिळाले आहेत. या अकाऊंटचेच 1.9 दशलक्षाहून अधिक फॉलोअर्स आहेत.