Paris Shooting: पॅरिसमध्ये झालेल्या गोळीबारात आतापर्यंत 2 जणांचा मृत्यू झाला आहे, तर या गोळीबारात 7 जण जखमी झाले आहेत. मिळालेल्या माहितीनुसार, एका 69 वर्षीय व्यक्तीने हा गोळीबार केला आहे. पॅरिसमध्ये झालेल्या गोळीबारातील आरोपीला पोलिसांनी अटक केली आहे. भरदिवसा गोळीबार झाल्याने नागरिकांमध्ये भीतीचे वातावरण आहे.

दरम्यान, फ्रेंच टेलिव्हिजन नेटवर्क बीएफएम टीव्हीने शुक्रवारी सांगितले की, गोळीबारात आतापर्यंत दोन लोकांचा मृत्यू झाला आहे, तर अनेक लोक जखमी झाले आहेत. बंदूकधारी व्यक्तीला अटक करण्यात आली आहे. प्रसारमाध्यमांच्या वृत्तांची पुष्टी करताना, शहराच्या अभियोजन कार्यालयाने सांगितले की, पॅरिसच्या (Paris) 10 व्या अरॉन्डीसमान बंदोबस्तात गोळीबार झाला, ज्यामध्ये चार जण जखमी झाले. या प्रकरणी एका 69 वर्षीय व्यक्तीला अटक करण्यात आली आहे.

19 डिसेंबर: कॅनडात गोळीबारात 5 ठार

19 डिसेंबर रोजी रात्री उशिरा एका संशयिताने कॅनडातील (Canada) ओंटारियो येथील वॉन परिसरात एका इमारतीत गोळीबार केला होता. या हल्ल्यात 5 जणांचा मृत्यू झाला होता. माहिती मिळताच मोठा पोलीस फौजफाटा घटनास्थळी पोहोचला आणि काही वेळातच त्यांनी 73 वर्षीय संशयित आरोपीला चकमकीत ठार केले होते.

23 नोव्हेंबर : अमेरिकेत गोळीबार, 10 ठार

23 नोव्हेंबर रोजी अमेरिकेतील (America) वॉलमार्ट स्टोअरमध्ये अज्ञात हल्लेखोराने गोळीबार केला होता. यामध्ये 10 जणांना आपला जीव गमवावा लागला होता. मात्र पोलिसांनी तात्काळ कारवाई करत हल्लेखोरालाही ठार केले होते. ही घटना अमेरिकेतील व्हर्जिनियामधील चेसापीक येथे घडली होती.