Pakistan News: आर्थिक संकटाशी झुंजत असलेल्या पाकिस्तानची अवस्था बिकट होत चालली आहे. पाकिस्तानचे पंतप्रधान शाहबाज शरीफ आपल्या मित्र देशांना मदतीची विनंती करत आहेत. भारताचा शेजारी असलेल्या पाकिस्तानवर डिफॉल्ट होण्याचा धोका आहे.

पाकिस्तानातील लोक त्यांच्या मूलभूत गरजा पूर्ण करण्यासाठी तळमळत आहेत. अशा स्थितीत लोकांमध्ये सरकारवर नाराजी आहे. त्याचबरोबर भारताशी तुलना करणे निरुपयोगी असल्याचा सल्ला ते सरकारला देत आहेत. पाकिस्तानने आपल्या अंतर्गत समस्यांकडे लक्ष देण्याची गरज आहे.

एक पाकिस्तानी सेल्समन रिअल एंटरटेनमेंट टीव्ही नावाच्या यूट्यूब चॅनेलवर असे म्हणताना दिसत आहे की, दुर्दैवाने आम्हाला इतिहासाबद्दल चुकीचे सांगितले गेले आहे. आजपर्यंत आपण भारताशी एकही युद्ध जिंकलेले नाही.

व्हिडिओमध्ये पाकिस्तानी सेल्समन पुढे म्हणतो की, भारताच्या संरक्षणमंत्र्यांचे म्हणणे योग्य आहे की, पाकिस्तानने सध्या स्वतःच्या समस्यांवर लक्ष केंद्रित केले पाहिजे. देशातील वाढती बेरोजगारी आणि महागाई याकडे लक्ष दिले पाहिजे.

देशातील शिक्षण क्षेत्रात बदल करण्याची गरज आहे, असे ती व्यक्ती म्हणताना दिसते. आपल्या भावी पिढ्यांना इतिहासाची योग्य माहिती देणे गरजेचे आहे. भारत-पाकिस्तान सोडून इतरही मुद्दे आहेत, जे खूप महत्त्वाचे आहेत.

इतकंच नाही तर व्हिडिओतील व्यक्ती म्हणते की आज पाकिस्तानची प्रतिमा जगात खूप खराब झाली आहे. यामागे काय कारण आहे ? आपण पाकिस्तानची चांगली प्रतिमा का निर्माण करू शकलो नाही? भारतामुळे पाकिस्तानची स्थिती सुधारली असती.

भारत आणि पाकिस्तानच्या संबंधांबद्दल सेल्समन म्हणतो की भारताची बाजारपेठ खूप मोठी आहे. तिथे पाकिस्तानच्या एक-दोन गोष्टींही हीट झाल्या तर, पाकिस्तानची स्थिती सुधारेल. निम्मी बेरोजगारी अशीच दूर होईल.

पाकिस्तानची अर्थिक स्थिती

सध्या एका डॉलरची किंमत 286 पाकिस्तानी रुपये झाली आहे. पाकिस्तानी लोकांना सुमारे 40 टक्के महागाईचा सामना करावा लागत आहे. पीठ आणि डाळींसारख्या जीवनावश्यक वस्तूंच्या किमती वर्षभरापूर्वीच्या तुलनेत ५० टक्क्यांनी वाढल्या आहेत. शहरांमध्ये एका युनिट विजेचा दर 40 रुपयांवर गेला आहे.

आता चित्र असे आहे की, जर आंतरराष्ट्रीय नाणेनिधीने 30 जूनपर्यंत आपल्या मदत पॅकेजचा सुमारे 1.25 अब्ज डॉलर्सचा हप्ता दिला नाही तर पाकिस्तानला त्याच्या परकीय कर्जाचे हप्ते वेळेवर फेडता येणार नाहीत.

2019 मध्ये, IMF ने पाकिस्तानसाठी $6 अब्ज 70 दशलक्ष डॉलर्सचे मदत पॅकेज मंजूर केले. IMF ने गेल्या वर्षी ऑक्टोबरपासून यापैकी 2 अब्ज 200 दशलक्ष डॉलर्सची उर्वरित रक्कम जारी केली नाही.

आयएमएफचा वित्तपुरवठा कार्यक्रम ३० जून रोजी संपणार आहे. हा पैसा मिळाला नाही, तर पाकिस्तानला आपल्या परकीय कर्जाचे हप्ते वेळेवर फेडता येणार नाहीत.