Pakistan Economic Crisis: पाकिस्तानचे वाईट दिवस संपण्याचे नाव घेत नाहीत. आर्थिक संकटाचा सामना करणाऱ्या पाकिस्तानसमोर आणखी एक संकट दत्त म्हणून उभे ठाकले आहे. गेल्या काही दिवसांपासून अन्नधान्याच्या टंचाईचा सामना करत असलेला पाकिस्तान प्रत्येक आघाडीवर त्रस्त आहे.

पाकिस्तानला एप्रिल 2023 ते जून 2026 दरम्यान $77.5 अब्ज डॉलरचे विदेशी कर्ज फेडायचे आहे. अशा परिस्थितीत, आर्थिक संकटाचा सामना करणाऱ्या देशासमोर नोटबंदीचा धोका निर्माण झाला आहे. पाकिस्तानला 'विघटनकारी परिणामांना' सामोरे जावे लागू शकते.

पाकिस्तानसमोर दिवाळखोरीचा धोका

युनायटेड स्टेट्स इन्स्टिट्यूट ऑफ पीस (यूएसआयपी) या अमेरिकेतील संशोधन संस्थेने एका विश्लेषणात याबाबत इशारा दिला आहे.

जिओ न्यूजने यूएसआयपीचा हवाला देत म्हटले आहे की, गगनाला भिडणारी महागाई (Inflation), राजकीय संघर्ष आणि वाढता दहशतवाद, मोठ्या प्रमाणावर परदेशी कर्ज देयांमुळे पाकिस्तान सध्या दिवाळखोरी उंबरठ्यावर उभा आहे.

परकीय चलनाचा साठा कमी होत आहे

पाकिस्तान सध्या उच्च परकीय कर्ज, कमजोर स्थानिक चलन आणि कमी होत चाललेल्या परकीय चलनाच्या साठ्याने त्रस्त आहे. यूएसआयपीने आपल्या अहवालात म्हटले आहे की, एप्रिल 2023 ते जून 2026 पर्यंत पाकिस्तानला (Pakistan) $ 77.5 अब्ज डॉलरचे विदेशी कर्ज फेडायचे आहे, जे $ 350 अब्ज डॉलरच्या अर्थव्यवस्थेसाठी 'मोठी रक्कम' आहे.

या अहवालात म्हटले आहे की, जर पाकिस्तानने या दायित्वात चूक केली तर त्याला 'विघटनकारी परिणामांना' सामोरे जावे लागेल. येत्या तीन वर्षांत पाकिस्तानला चिनी वित्तीय संस्था आणि सौदी अरेबियाला मोठी रक्कम परत द्यावी लागणार आहे.