PM Shehbaz Sharif Dainik Gomantak
ग्लोबल

G20 Summit Srinagar 2023: पाकिस्तानचा पुन्हा तिळपापड, श्रीनगरमध्ये होणाऱ्या G-20 कार्यक्रमाला विरोध करण्यासाठी...

Srinagar G20 Meeting: श्रीनगरमध्ये या महिन्यात होणाऱ्या G-20 कार्यक्रमामुळे पाकिस्तान चिंतेत आहे.

Manish Jadhav

G20 Summit Srinagar 2023: श्रीनगरमध्ये या महिन्यात होणाऱ्या G-20 कार्यक्रमामुळे पाकिस्तान चिंतेत आहे. एकीकडे पाकिस्तान जगभरातील देशांना पत्र लिहून या कार्यक्रमाला विरोध करण्यासाठी प्रवृत्त करत ​​आहे, तर दुसरीकडे सोशल मीडियाच्या माध्यमातून.

भारताविरोधात G20 विरोधी हॅशटॅग तयार करण्याचे षडयंत्र रचले जात आहे, ज्यामुळे भारताच्या वाढत्या विश्वासार्हतेवर प्रश्न उपस्थित केले जातील.

दरम्यान, या आठवड्यात पाकिस्तानचे पंतप्रधान शाहबाज शरीफ 2 मे ते 7 मे या कालावधीत ब्रिटनच्या दौऱ्यावर जात आहेत.

पाकिस्तानच्या परराष्ट्र मंत्रालयाने दिलेल्या निवेदनात म्हटले आहे की, पंतप्रधान शरीफ या महिन्यात 6 मे रोजी होणाऱ्या किंग चार्ल्स III च्या राज्याभिषेकाच्या कार्यक्रमात सहभागी होण्यासाठी लंडनला जात आहेत.

मिळालेल्या माहितीनुसार, शाहबाज शरीफ (Shehbaz Sharif) या दौऱ्यात ब्रिटनसमोर श्रीनगरमध्ये होणाऱ्या G20 कार्यक्रमाचा मुद्दाही उपस्थित करणार असून या कार्यक्रमाला विरोध करण्यासाठी ब्रिटन सरकारची मदत घेणार आहेत.

G20 च्या पर्यटन कार्यगटाची बैठक होणार

22 ते 24 मे दरम्यान श्रीनगरमध्ये G20 च्या पर्यटन कार्यगटाची बैठक होणार आहे. ऑगस्ट 2019 नंतर ही पहिली मोठी आंतरराष्ट्रीय महत्त्वाची बैठक असेल.

या पर्यटन कार्यगटाच्या बैठकीत जम्मू-काश्मीरला प्रोत्साहन देण्यावर भर असेल. मिळालेल्या माहितीनुसार, पाकिस्तानचे (Pakistan) परराष्ट्र मंत्रालय जगातील अनेक देशांशी संपर्क साधत आहे आणि त्यांना श्रीनगरमध्ये होणाऱ्या जी-20 बैठकीत सहभागी न होण्यास सांगत आहे.

तसेच, 17 एप्रिल रोजी पाकिस्तानच्या परराष्ट्र मंत्रालयाने बांगलादेशला असेच एक पत्र पाठवले आहे, ज्यामध्ये काश्मीरबाबत भारताविरोधात अनेक हास्यास्पद बोलले गेले आहेत.

दिल्लीतील पाकिस्तानी उच्चायुक्तांनी बांगलादेशला पाठवलेल्या दस्तऐवजात काश्मीरबाबत भारत आणि पाकिस्तानमध्ये वाद सुरु असून पाकिस्तानप्रमाणेच बांगलादेशनेही G20 वर बहिष्कार टाकावा, असे म्हटले आहे.

दुसरीकडे, श्रीनगर येथे होणाऱ्या G20 च्या विरोधात पाकिस्तानने राजनैतिक स्तरावर आपले प्रयत्न तीव्र केले आहेत.

जगभरातील आपल्या उच्चायुक्त आणि दूतावासांमार्फत ते सर्व देशांना पत्रे लिहून त्यांना भारताविरुद्ध वक्तव्ये करण्यास प्रवृत्त करत आहेत.

तसं पाहिलं तर भूतकाळात जम्मूच्या पूंछमध्ये झालेल्या दहशतवादी हल्ल्यामागे पाकिस्तानची आयएसआय असल्याचं समजतं. जगाचे लक्ष काश्मीरकडे वेधण्यासाठी आयएसआय दहशतवादी हल्ले करत आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Vijay Deverakonda Accident: मोठी दुर्घटना टळली! विजय देवरकोंडाचा कार अपघात, अज्ञात वाहनाने मागून दिली जोरदार धडक VIDEO

IND vs WI: दुसऱ्या कसोटीत जडेजा रचणार इतिहास! कपिल देवच्या 'खास क्लब'मध्ये एंट्रीची नामी संधी; कराव्या लागणार फक्त 'इतक्या' धावा

Viral Video: शाळेला दांडी मारुन रस्त्यावर 'आशिकी'! दोन मुलींसोबत रोमान्स करणाऱ्या पठ्ठ्याचा व्हिडिओ व्हायरल; नेटकरी म्हणाले, 'अशा सडकछाप आशिकांनीच...'

Coldrif Cough Syrup Bans: मुलांचा बळी घेणाऱ्या 'त्या' जीवघेण्या कफ सिरपवर गोव्यात बंदी, 'FDA'कडून आदेश जारी

IND vs PAK मॅचमधील 'या' घटनेनंतर पाकिस्तानी खेळाडू अडचणीत, ICC च्या नियमांचं उल्लंघन करणं पडलं भारी; काय घडलं नेमकं?

SCROLL FOR NEXT