Pakistani Rupee Dainik Gomantak
ग्लोबल

Pakistan Economy: चमत्कार! पाकिस्ताच्या संपत्तीत मोठी वाढ, तर भारताच्या परकीय गंगाजळीत घट

Pakistan: भारत आणि त्याचा शेजारी देश पाकिस्तान यांच्या परकीय चलनाच्या गंगाजळीबाबत जी बातमी आली ती चमत्कारापेक्षा कमी नाही.

Manish Jadhav

Pakistan Economy: भारत आणि त्याचा शेजारी देश पाकिस्तान यांच्या परकीय चलनाच्या गंगाजळीबाबत जी बातमी आली ती चमत्कारापेक्षा कमी नाही.

गेल्या एक वर्षापासून भयंकर अशा आर्थिक संकटाचा सामना करत असलेल्या पाकिस्तानचा परकीय चलनाचा साठा लहान मुलांच्या पिग्गी बँकेइतकाच राहिला आहे, पण 10 फेब्रुवारी रोजी संपलेल्या आठवड्यात पाकिस्तानच्या परकीय चलनाच्या साठ्यात आश्चर्यकारक वाढ झाली.

दुसरीकडे, भारताच्या परकीय चलनाच्या साठ्यात 10 महिन्यांतील सर्वात मोठी घसरण पाहायला मिळाली आहे. फरक एवढाच आहे की एका आठवड्यात भारताने (India) पाकिस्तानकडे असलेल्या एकूण परकीय चलन साठ्याच्या तिप्पट गमावले.

पाकिस्तानात आश्चर्य घडले

गरिबीने त्रस्त असलेल्या पाकिस्तानमध्ये (Pakistan) अनेक महिन्यांनंतर परकीय चलनाच्या साठ्यात वाढ झाली आहे. स्टेट बँक ऑफ पाकिस्तानच्या म्हणण्यानुसार, 10 फेब्रुवारी रोजी संपलेल्या आठवड्यात या आर्थिकदृष्ट्या अडचणीत असलेल्या देशाच्या परकीय चलनात 276 दशलक्ष डॉलर्सची वाढ झाली आहे.

यासह ते आता $3.193 अब्जवर पोहोचले आहे. गेल्या आठवड्यात त्यात तीन अब्ज डॉलर्सहून अधिक घट झाली होती. पाकिस्तानकडे असलेला परकीय चलन एक महिन्याच्या आयातीसाठी पुरेसा नाही. पाकिस्तानमध्ये अन्नधान्यांचा तुटवडा असताना जीवनावश्यक वस्तूंची आयात थांबली आहे.

भारतात 10 महिन्यांतील सर्वात मोठी घसरण पाकिस्तानमध्ये परकीय चलनाचा साठा वाढला आहे, तर भारताकडील तो कमी झाला आहे. ही घसरणही किरकोळ नाही. भारताच्या परकीय चलनाच्या साठ्यात 8.319 अब्ज डॉलरची घट झाली आहे. गेल्या 10 महिन्यांतील हा उच्चांक आहे. मात्र, ही घसरण पाकिस्तानच्या एकूण परकीय चलनाच्या साठ्यापेक्षा 10 पट अधिक आहे.

तसेच, 10 फेब्रुवारी रोजी संपलेल्या आठवड्यात भारताचा परकीय चलन साठा $566.948 अब्ज होता. 1 एप्रिल 2022 नंतर परकीय चलनाच्या साठ्यातील ही सर्वात मोठी साप्ताहिक घट आहे. भारताचा परकीय चलन साठा अजूनही पाकिस्तानच्या तुलनेत 190 पट जास्त आहे.

शिवाय, ऑक्टोबर 2021 मध्ये, देशाचा परकीय चलन साठा $645 अब्जचा उच्चांक गाठला. पण त्यानंतर, जागतिक घडामोडींमध्ये रुपयाच्या विनिमय दरात मोठी घसरण रोखण्यासाठी मध्यवर्ती बँकेने चलन साठ्याचा वापर केला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Vijay Deverakonda Accident: मोठी दुर्घटना टळली! विजय देवरकोंडाचा कार अपघात, अज्ञात वाहनाने मागून दिली जोरदार धडक VIDEO

IND vs WI: दुसऱ्या कसोटीत जडेजा रचणार इतिहास! कपिल देवच्या 'खास क्लब'मध्ये एंट्रीची नामी संधी; कराव्या लागणार फक्त 'इतक्या' धावा

Viral Video: शाळेला दांडी मारुन रस्त्यावर 'आशिकी'! दोन मुलींसोबत रोमान्स करणाऱ्या पठ्ठ्याचा व्हिडिओ व्हायरल; नेटकरी म्हणाले, 'अशा सडकछाप आशिकांनीच...'

Coldrif Cough Syrup Bans: मुलांचा बळी घेणाऱ्या 'त्या' जीवघेण्या कफ सिरपवर गोव्यात बंदी, 'FDA'कडून आदेश जारी

IND vs PAK मॅचमधील 'या' घटनेनंतर पाकिस्तानी खेळाडू अडचणीत, ICC च्या नियमांचं उल्लंघन करणं पडलं भारी; काय घडलं नेमकं?

SCROLL FOR NEXT