Nepal: नेपाळ हा भारताचा शेजारी देश आहे. भारत आणि नेपाळचे संबंध सुरुवातीपासून बंधूभावाचे राहिले आहेत. परंतु मध्यंतरी भारत-नेपाळ संबंधात तणाव निर्माण झाले होते. आज नेपाळचे नवीन पंतप्रधान पुष्प कमल दहल प्रचंड यांनी पदभार सांभाळला आहे.

याआधीही पुष्प कमल दहल प्रचंड यांनी नेपाळचे पंतप्रधान म्हणून काम पाहिले आहे.त्यावेळी त्यांनी चीन ( China ) ला भारतापेक्षा जास्त महत्व दिले होते.या कारणामुळे भारत ( India ) आणि नेपाळचे संबंध तणावपूर्वक झाले होते. प्रचंड यांचा भारताप्रति सकारात्मक दृष्टीकोण नसल्याचे म्हटले जात आहे. त्यामुळे प्रचंड यांच्या पंतप्रधानपदी येण्याने पुन्हा भारत - नेपाळ संबंध बिघडणार का? की प्रचंड आपल्या भारताप्रतिच्या दृष्टीकोणात बदल करणार हे पाहणे महत्वाचे ठरणार आहे.

दरम्यान, शेर बहादुर देउबा हे पंतप्रधान असा अंदाज लावला जात होता. मात्र, नेपाळ (Nepal ) मधील राजकीय घडामोडींमध्ये नाटकीय वळणामुळे प्रचंड पंतप्रधानपदी निवडणून आले आहेत.