Viral Video Luxury Cars: तुम्ही अनेकदा कार चोरीच्या घटनांबद्दल ऐकले, वाचले असेलच, ज्यामध्ये चोर वेगवेगळ्या प्रकारे कारची चोरी करतात. पण आज आम्ही तुम्हाला अशा एका व्हिडिओबद्दल सांगत आहोत, जो पाहून तुम्हालाही वाटेल की, हे नक्कीच एखाद्या चित्रपटातील सीनपेक्षा कमी नाही. कारण चोरट्यांनी अवघ्या 60 सेकंदात 7 कोटी रुपयांहून अधिक किमतीच्या कार चोरल्या. चोरीची ही घटना सीसीटीव्ही कॅमेऱ्यात कैद झाली आहे. हा व्हिडीओ पाहून पोलीसही हैराण झाले आहेत. या चोरट्यांनी इतक्या हुशारीने गाड्या चोरल्या आहेत की, आजतागायत पोलिसांना कोणताच सुगावा लागलेला नाही. तुम्ही स्वतः हा व्हिडिओ पाहा.

पाच आलिशान गाड्या कॅम्पसमध्ये घुसल्या आणि पळवून नेल्या

अवघ्या 60 सेकंदात चोरट्यांनी पाच आलिशान कार पळवल्या. हे प्रकरण इंग्लंडमधील (England) एसेक्स काउंटीचे आहे. जिथे रात्रीच्या अंधारात चोरट्यांनी काही सेकंदात कार चोरुन नेल्या. ही संपूर्ण घटना सीसीटीव्हीमध्येही कैद झाली आहे. या पाच कारची (Car) किंमत 7 कोटींहून अधिक असल्याचे सांगण्यात येत आहे.

तसेच, इंग्लंडमधील एसेक्स प्रांतातील थुरॉकच्या बरोजवळील बुलफान गावात ब्रेंटवुड रोडवरील कॅम्पसमध्ये चोरांनी प्रवेश केला. त्यांनी पहिल्यांदा कॅम्पसमधून एक एक करुन दोन पोर्श कार आणि एक मर्सिडीज मेबॅक अशा एकूण पाच गाड्या बाहेर काढल्या. यातील एका चोरट्याने गेट उघडे ठेवले तर उर्वरित चोरट्यांनी एकामागून एक आलिशान कार बाहेर नेली.

चोरांना पकडण्यात पोलीस खवळले, जनतेची मदत घेतली

या चोरट्यांना पकडण्यासाठी पोलिसांनी (Police) मोठी कसरत केली आहे. स्थानिक पोलिसांनी आता तेथील लोकांची मदत घेतली आहे. इंग्लंडमधील या चोरीने जनता आणि अधिकाऱ्यांना मोठा धक्का बसला आहे. पोलिसांनी स्वत: या घटनेचा व्हिडीओ व्हायरल केला असून लोकांना त्यांच्याकडे जी काही माहिती असेल ती पोलिसांशी शेअर करण्याची विनंती केली आहे. एसेक्स पोलिस कार आणि चोरांचा शोध घेत आहेत. त्याचवेळी मर्सिडीज मेबॅक कार जप्त करण्यात पोलिसांना यश आले आहे.