KFC Stores Closed: इस्त्रायल आणि हमास यांच्यातील युद्ध थांबण्याचं नाव घेत नाहीये. गाझामध्ये इस्रायलच्या हल्ल्यांमुळे झालेल्या मानवी हानीनंतर जगभरात इस्रायलबद्दलचा संताप वाढत आहे. अनेक देशांनी इस्रायलशी संबंध तोडले आहेत, तर मानवाधिकारांबद्दल काळजी करणारे लोकही जगभरात आपापल्या पातळीवर इस्रायलवर बहिष्कार घालत आहेत.

यूएस कंपनी केएफसीने इस्रायल बॉयकॉटमुळे मलेशियातील 100 हून अधिक स्टोअर बंद केली आहेत. स्टोअर बंद करण्याबाबत जारी केलेल्या निवेदनात कंपनीने स्टोअर चालवण्यासाठी खराब आर्थिक स्थितीचे कारण दिले आहे.

चिनी वृत्तपत्र 'नानयांग सियाऊ पाऊ' नुसार, अमेरिकन कंपनीने आपली 108 आउटलेट बंद केली आहेत. गाझा बॉयकॉटमुळे केलांटन राज्य सर्वात जास्त प्रभावित झाले, जिथे सुमारे 80 टक्के KFC स्टोअर्स म्हणजेच 21 आउटलेट बंद करण्यात आली आहेत.

स्टोअर बंद करण्याचे कारण दिले

मलेशिया, सिंगापूर, ब्रुनेई आणि कंबोडिया येथे केएफसी स्टोअर्स QSR ब्रँड्स नावाच्या कंपनीद्वारे चालवले जातात. ज्याने आपल्या निवेदनात स्टोअर्स बंद होण्याचे कारण स्पष्ट केले. कंपनीने म्हटले की, “आव्हानदायक आर्थिक परिस्थिती आणि स्टोअर चालवण्याच्या वाढत्या खर्चामुळे आम्ही आमचे काही आउटलेट तात्पुरत्या काळासाठी बंद करत आहोत.” याशिवाय, याठिकाणी काम करणाऱ्या कर्मचाऱ्यांना मोठ्या स्टोअरमध्ये शिफ्ट करण्यात येणार असल्याचेही निवेदनात म्हटले आहे.

कुठे आणि किती स्टोअर्स बंद करण्यात आली

QSR वेबसाइटनुसार, मलेशियामध्ये 600 हून अधिक KFC आउटलेट आहेत. पहिले आउटलेट क्वालालंपूरमध्ये 1973 मध्ये उघडण्यात आले होते, त्यानंतर कंपनीने देशभरात आपली आउटलेट उघडली. Google Maps वरुन मिळालेल्या माहितीनुसार, जोहोरमधील 15 स्टोअर्स तात्पुरत्या कालावधीसाठी बंद करण्यात आली आहेत, तसेच, सेलंगोर आणि केदाहमधील 11 स्टोअर्स, तेरेंगानूमधील 10 स्टोअर्स, पहांगमधील 10 स्टोअर्स, पेराकमधील 9 स्टोअर्स, 6 स्टोअर्स बंद करण्यात आली आहेत. याशिवाय, पेर्लिसमधील 2 स्टोअर्स, मलाक्कामधील 2 स्टोअर्स, पेनांगमधील 5 स्टोअर्स, क्वालालंपूरमधील 3 स्टोअर्स, सारवाकमधील 2 स्टोअर्स आणि सबाहमधील 1 स्टोअर्स बंद करण्यात आली आहेत.