अमेरिकेने (USA) काबूल विमानतळाच्या (Kabul Airport) दिशेने करण्यात आलेले पाच रॉकेट हल्ले (Rockets Attack) उधळून लावले आहेत.विमानतळाच्या दिशेने येणारी ही रॉकेट अमेरिकन डिफेन्स मिसाइल सिस्टीमने (Defense Misael System ) आधीच अडवली आणि नष्ट केली आहेत त्यामुळे एक मोठा अनर्थ टळला आहे. या पाची रॉकेटला अमेरिकरेने अगोदरच इंटरसेप्ट केले. इंटरसेप्ट म्हणजे तुमच्या दिशेने येणारे कोणतेही रॉकेट किंवा क्षेपणास्त्र शोधून प्रतिशोध घेणे.(Kabul Airport: 5 rockets fired intercepted by defense system, states report)

तथापि, हे सर्व रॉकेट हल्ले निष्फळ झाले आहेत की नाही हे अद्याप स्पष्ट झालेले नाही. अमेरिकेच्या लष्करी अधिकाऱ्याचे म्हणणे आहे की, सुरुवातीच्या अहवालांच्या आधारे दिलेले हे विधान आहे. अधिकाऱ्याच्या म्हणण्यानुसार, सोमवारी सकाळी हे रॉकेट हल्ले करण्यात आले होते.

विशेष म्हणजे रविवारी अमेरिकेने काबूलवर ड्रोनने हल्ला केला होता. यामध्ये आत्मघाती हल्लेखोराला लक्ष्य करण्यात आले होते. ज्यांचे लक्ष्य काबूल विमानतळ होते. अमेरिकेचे म्हणणे आहे की इस्लामिक स्टेटचे दहशतवादी काबूल विमानतळावर पुन्हा हल्ला करू शकतात. त्यांचे लक्ष्य अमेरिकन सैन्य आहे, जे सध्या काबुलमध्ये आहे.

अमेरिकेने स्पष्ट केले आहे की जोपर्यंत त्याचा एक नागरिक किंवा सैनिक काबूलमध्ये आहे तोपर्यंत तिथून आपले सैन्य पूर्णपणे मागे घेणार नाही. इसिसचा खोरासन गट काबूलवर रॉकेट चालवत असल्याचे अमेरिकेनेही स्पष्ट केले आहे. यापूर्वी या गटाने काबूल विमानतळावरील हल्ल्याची जबाबदारी स्वीकारली होती.