Israel Hamas War Updates UN Secretary-General Antonio Guterres Says Gaza becoming a graveyard for children: इस्रायल आणि हमास यांच्यात सुरु असलेल्या युद्धाचा बुधवार हा 33 वा दिवस आहे. दरम्यान, युनायटेड नेशन्सचे सरचिटणीस अँटोनियो गुटेरेस यांनी युद्धाबाबत मोठी चिंता व्यक्त केली आहे. ते म्हणाले की, गाझामध्ये मानवतावादी संकट निर्माण झाले आहे. तात्काळ युद्धविरामाची घोषणा करण्यात यावी. न्यूयॉर्कमध्ये पत्रकार परिषदेत त्यांनी हे वक्तव्य केले.
संयुक्त राष्ट्राचे (United Nations) सरचिटणीस म्हणाले की, 'इस्रायल आणि हमास यांच्यातील युद्धाला एक महिना झाला आहे. या युद्धात युनायटेड नेशन्स रिलीफ अँड वर्क एजन्सी फॉर पॅलेस्टाईन रिफ्युजी (UNRWA) चे 89 कर्मचारी मारले गेले आहेत. तर 26 जण जखमी झाले आहेत.
मी माझ्या सहकाऱ्यांच्या शोकात सामील होतो. ज्यांनी आपले प्रियजन गमावले आहेत त्यांच्या कुटुंबीयांसोबत मी आहे. आम्हाला प्रचंड मोठा धक्का बसला आहे. आमच्या सहकाऱ्यांची खूप आठवण येईल आणि ते विसरले जाणार नाहीत.'
दुसरीकडे, इस्रायलचे पंतप्रधान बेंजामिन नेतन्याहू यांनी या आधीच जाहीर केले आहे की, 'ओलिसांची सुटका होईपर्यंत युद्धविराम होणार नाही. आम्ही गाझापर्यंत इंधनही पोहोचू देणार नाही. आम्ही हमासला पूर्णरित्या संपवू. युद्धात गाझाला धोका नाही.' इस्रायलचे (Israel) संरक्षण मंत्री योव गॅलंट यांनी सांगितले की, गाझातून इस्रायलच्या सुरक्षेसाठी कोणताही धोका निर्माण होणार नाही याचा बंदोबस्त आम्ही करत आहोत.
अमेरिकेने दहशतवादी संघटना घोषित केलेल्या हमासने 7 ऑक्टोबरच्या रात्री इस्रायलवर 5 हजारांहून अधिक बॉम्ब फेकले. या हल्ल्यात 1400 लोक मारले गेले. हमासच्या दहशतवाद्यांनी 250 हून अधिक लोकांना ओलीस ठेवले आहे. त्याचवेळी, आतापर्यंत 11 हजार लोकांचा मृत्यू झाला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.