Israel-Hamas War: इस्रायल आणि हमास यांच्यात सुरु असलेल्या युद्धादरम्यान चार दिवसांची तात्पुरती युद्धबंदी लागू झाली आहे. या युद्धबंदीचे मुख्य कारण म्हणजे जर हमासने गाझा पट्टीतील इस्रायली ओलीसांची सुटका केली तर इस्रायल पॅलेस्टिनी कैद्यांचीही सुटका करेल. तात्पुरत्या युद्धबंदीचा आज शेवटचा दिवस आहे. हमास आता इस्रायलसमोर गुडघे टेकताना दिसत आहे, मात्र इस्रायलने मोठी अट घातली आहे.

दरम्यान, इस्रायल (Israel) आणि पॅलेस्टाईनची दहशतवादी संघटना हमास यांच्यातील युद्ध 50 दिवसांपासून सुरु आहे. दोन्ही बाजूंनी जोरदार गोळीबार आणि बॉम्बफेक सुरु आहे. या युद्धात हजारो नागरिकांचा मृत्यू झाला असून तेवढेच लोक जखमी झाले आहेत. या युद्धात हमास आणि इस्रायलने एकमेकांचे नागरिक आणि कैद्यांना ओलीस ठेवले होते.

आता ओलीसांची सुटका करण्यासाठी दोघांमध्ये चार दिवसांची तात्पुरती युद्धबंदी लागू करण्यात आल होती. या कालावधीत दोन्ही बाजूंकडून कोणत्याही प्रकारचा हल्ला होणार नाही याची दक्षता घेतली जाईल असे सांगण्यात आले होते.

जाणून घ्या काय आहे हमासची इच्छा

वृत्तसंस्था एएफपीने घटनेशी संबंधित लोकांच्या हवाल्याने असे वृत्त आले आहे की, हमासने इस्रायली मध्यस्थांना कळवले आहे की युद्धबंदी दोन ते चार दिवसांसाठी वाढवली जात आहे. तात्पुरती युद्धबंदी करार पुढे गेल्यास सुमारे 20 ते 40 इस्रायली ओलीसांची सुटका होऊ शकते, असे सांगण्यात येत आहे. हमासने इस्रायलसमोर शरणागती पत्करल्याचे युद्धबंदी करार वाढवण्याच्या प्रस्तावावरुन दिसून येते.

जाणून घ्या काय म्हणाले पंतप्रधान बेंजामिन नेतन्याहू

इस्रायली सरकारचे म्हणणे आहे की, हमासने दररोज किमान 10 इस्रायली कैद्यांची सुटका केल्यास युद्धबंदी करार वाढवण्यास तयार आहे. यावरुन एक दिवस हमासला (Hamas) युद्धबंदीच्या बदल्यात 10 इस्रायली नागरिकांची सुटका करावी लागणार असल्याचे स्पष्ट झाले आहे. त्याचवेळी, पंतप्रधान बेंजामिन नेतन्याहू म्हणाले की, युद्धबंदीची मुदत संपताच आमचे सैन्य गाझा पट्टीवर हल्ला करेल.