International Malala Day: दरवर्षी 12 जुलै हा आंतरराष्ट्रीय मलाला दिवस म्हणून साजरा केला जातो. 12 जुलैला पाकिस्तानी समाजसेविका, नोबेल पुरस्कार विजेती मलाला युसुफझाईचा वाढदिवस आहे. हा दिवस संयुक्त राष्ट्र संघाने जागतिक मलाला दिवस म्हणून घोषित केला आहे. मलाला दिन महिला आणि मुलांच्या हक्कांच्या सन्मानार्थ जगभरात साजरा केला जातो.

मलालाचा जन्म 12 जुलै 1997 रोजी पाकिस्तानच्या स्वात खोऱ्यात झाला. मलालाला कधीही शाळेत जाण्याची परवानगी नव्हती, कारण तालिबानने पाकिस्तानमध्ये मुलींना शाळेत जाण्यास बंदी घातली होती. मात्र, मलालाने घरी राहण्यास नकार देत मुलींच्या शिक्षणाच्या अधिकाराची वकिली केली.

मलालावर तालिबानी हल्ला

2012 मध्ये मुलींच्या शिक्षणाच्या मोहिमेमुळे मलालाला तालिबानने डोक्यात गोळी मारली होती. “ऑक्टोबर 2012 मध्ये पाकिस्तानी तालिबानचा एक सदस्य माझ्या स्कूल बसमध्ये चढला आणि मला गोळ्या घातल्या. गोळी लागल्याने माझा डावा डोळा आणि मेंदूवर वाईट परिणाम झाला. माझ्या चेहऱ्यातील नसा, माझा कानाचा पडदा आणि जबडा तुटला होता. मी कशी वाचले ते मला माहित नाही." असे मलालाने सांगतिले होते.

समाजसेविका मलाला

या हल्ल्याने मलालाचे आयुष्य पुर्णपणे बदलून टाकले. जेव्हा ती बरी झाल्यानंतर परत आली तेव्हा तिच्या विचारांमध्ये तीव्रता दिसून आली. मलालाने महिला आणि मुलींच्या शिक्षणासाठी आवाज उठवला. 2013 मध्ये मलालाने संयुक्त राष्ट्र महासभेच्या विशेष सत्राला संबोधित केले होते. संयुक्त राष्ट्र संघाने हा दिवस पाकिस्तानची बाल आणि महिला हक्क कार्यकर्त्या आंतरराष्ट्रीय मलाला दिवस म्हणून घोषित केला आहे. मलाला आणि तिच्या वडिलांनी 'मलाला फंड' स्थापन केला आहे, जो तरुण मुलींना शाळेत जाण्यास मदत करतो.

मलाला युसुफझाईला 2012 मध्ये पाकिस्तान सरकारने राष्ट्रीय युवा शांतता पुरस्काराने सन्मानित केले होते. डिसेंबर 2014 मध्ये मलालाला शांततेचा नोबेल पुरस्कार जाहीर झाला. मलाला ही नोबेल शांतता पारितोषिक मिळवणारी सर्वात तरुण महिला ठरली. 2017 मध्ये, मलालाला UN शांतता दूत म्हणून नियुक्त करण्यात आले. मलालाला तिच्या कामासाठी आणि धैर्यासाठी 40 हून अधिक पुरस्कार आणि सन्मान मिळाले आहेत.