इम्रान खान सरकारने पाकिस्तानी तालिबानचा “उत्थान” करू नये, मलाला युसुफझाईचे खडेबोल

नोबेल शांतता पारितोषिक विजेती मलाला युसुफझाई (Malala Yousafzai) हिने पाकिस्तान (Pakistan)आणि तालिबान (Taliban) यांच्यावर भाष्य केले आहे.मलालाने इम्रान खान (Imran Khan)सरकारने पाकिस्तानी तालिबानचा “उत्थान” करू नये असे खडसावले आहे . पाकिस्तानचे पंतप्रधान इम्रान खान यांच्या नेतृत्वाखालील सरकारने बंदी घातलेल्या तहरीक-ए-तालिबान पाकिस्तान (Tehrik-i-Taliban Pakistan) च्या काही गटांशी झालेल्या चर्चेनंतर मलाला म्हणाली, “माझ्या मते, जेव्हा तुमचा असा विश्वास आहे की दुसर्‍या बाजूच्या चिंता लक्षात घेतल्या पाहिजेत तेव्हा तुम्ही तडजोड करता. मात्र तेही एक शक्तिशाली आहेत ."(Malala Yousafzai on Taliban Issue and support by Imran Khan Government)

पुढे बोलताना मलाला युसुफझाई म्हणाली की तालिबानला सार्वजनिक समर्थन नाही. पाकिस्तानातील कोणत्याही प्रदेशातून लोक म्हणत नाहीत की त्यांना तालिबान सरकार हवे आहे. त्यामुळे माझ्या मते, आपण पाकिस्तानी तालिबानला उभे करू नये.असे स्पष्ट मत तिने मांडले आहे. या महिन्याच्या सुरुवातीला, इम्रान खान म्हणाले की त्यांचे सरकार बंदी घातलेल्या टीटीपीच्या काही गटांशी शस्त्रे ठेवण्यासाठी आणि त्यांना देशाच्या संविधानाचे पालन करण्यास राजी करण्यासाठी चर्चा करत आहे.यावरच मलालालने आपले मत व्यक्त केले आहे.

तालिबानबद्दल बोलताना मलाला म्हणाली की, चांगल्या आणि वाईट तालिबानमध्ये भेद नसावा, कारण त्यांच्याकडे दडपशाही आणि स्वतःचे कायदे लागू करण्याची दृष्टी समान आहे. त्याचबरोबर तालिबानने दडपशाहीचे पाऊल उचलले आणि ते म्हणाले की ते महिलांच्या हक्कांच्या, मुलींच्या शिक्षणाच्या विरोधात आहेत आणि त्यांच्या राजवटीत कोणताही न्याय नाही. त्याचबरोबर मुलींच्या शिक्षणाबाबत विचारले असता मलालाने अफगाणिस्तानातील परिस्थितीवर चिंता व्यक्त केली आहे .

तालिबानवर स्थानिक कार्यकर्ते आणि अफगाण महिलांचा दबाव सकारात्मक लक्षण होते असे सांगतच मलालाने फंड, तिची ना-नफा संस्था आणि अफगाणिस्तानमधील तिच्या भूमिकेबद्दल बोलताना, ती म्हणाली की हा निधी 2017 पासून तेथे कार्यरत आहे आणि आतापर्यंत डिजिटल आणि महिला शिक्षणासाठी USD 2 दशलक्ष गुंतवले आहे.