भारत आणि पाकिस्तान कोणत्याही मुद्द्यावर एकमत असल्याचे क्वचितच पाहायला मिळते. मात्र, पाकिस्तानने युक्रेनच्या मुद्द्यावर भारतासारखीच भूमिका मांडली आहे. युक्रेनमधील "रशियन आक्रमणामुळे उद्भवलेल्या संकटाला" संबोधित करण्यासाठी संयुक्त राष्ट्र मानवाधिकार परिषदेच्या ठरावावर मतदान करण्यापासून परावृत्त झालेल्या 12 देशांपैकी भारत आणि पाकिस्तानचा समावेश आहे. 47 सदस्यीय मंडळात ठरावाच्या विरोधात मतदान करणारे चीन आणि इरिट्रिया हे दोनच देश आहेत. (India and Pakistan which came together in support of Russia abstained from voting in UN)

दरम्यान, युक्रेनवरील हल्ल्यासंदर्भात यूएनमध्ये रशियाच्या (Russia) विरोधात आणलेल्या ठरावांवर भारताने यापूर्वी मतदान करणे टाळले आहे. या क्रमाने, भारताने पुन्हा एकदा मतदानपूर्व चर्चेत भाग घेतला आणि युक्रेनमधील (Ukraine) लोकांच्या मानवी हक्कांचा आदर आणि संरक्षण करण्याचे आवाहन केले. "मानवी हक्कांच्या (Human Rights) जागतिक संवर्धन आणि संरक्षणासाठी वचनबद्धतेचा" पुनरुच्चारही भारताने यावेळी केला.

तसेच, युक्रेनच्या कीव (Kyiv), खार्किव, चेर्निहाइव्ह आणि सुमी शहरांमध्ये रशियाने केलेल्या मानवी हक्कांच्या उल्लंघनाची चौकशी करण्यासाठी आधीच स्थापन केलेल्या चौकशी आयोगासाठी संयुक्त राष्ट्रसंघाच्या ठरावात अतिरिक्त आदेशाची मागणी करण्यात आली आहे. मात्र, प्रस्तावाच्या बाजूने 33 मते पडल्याने तो मंजूर करण्यात आला. या ठरावात रशियाने आंतरराष्ट्रीय एजन्सींना युद्धग्रस्त भागातून "स्थानांतरित" झालेल्या आणि रशियन प्रदेशात वास्तव्य करणार्‍या लोकांना विना अडथळा प्रवेश प्रदान करण्याचे आवाहन केले. दुसरीकडे, मॉस्कोचा असा दावा आहे की, हे लोक त्यांच्या स्वेच्छेने रशियात दाखल झाले.

याशिवाय, भारताने मार्चमध्ये चौकशी आयोग स्थापन करण्याच्या प्रस्तावावर परिषदेत मतदान करणे टाळले होते. तथापि, भारताने बुका शहरातील नागरिकांच्या हत्येचा निषेध केला आहे. त्याचबरोबर भारताने स्वतंत्र तपासाच्या आवाहनाचे समर्थन देखील केले आहे. दुसरीकडे, चीननेही मतदान करणे टाळले होते. परंतु यावेळी चीनने ठरावाच्या विरोधात मतदान केले.