Ghislaine Maxwell Dainik Gomantak
ग्लोबल

मुलींच्या लैंगिक शोषणाप्रकरणी ब्रिटनच्या प्रसिध्द महिलेला 20 वर्षांची शिक्षा

मुलींचे लैंगिक शोषण करण्यास मदत केल्याप्रकरणी घिसलीन मैक्सवेलला न्यायालयाने दोषी ठरवले आहे.

दैनिक गोमन्तक

Ghislaine Maxwell Mentenced: मुलींचे लैंगिक शोषण करण्यास मदत केल्याप्रकरणी घिसलीन मैक्सवेलला न्यायालयाने दोषी ठरवले आहे. न्यूयॉर्क न्यायालयाने त्यांना 20 वर्षांच्या तुरुंगवासाची शिक्षा सुनावली आहे. दीर्घकाळ चाललेल्या खटल्यानंतर मॅनहॅटन फेडरल न्यायालयाने हा निर्णय दिला आहे. याचा अर्थ 60 वर्षीय मॅक्सवेल त्यांच्या उर्वरित आयुष्यातील बहुतांश काळ तुरुंगात घालवणार आहेत. (Ghislaine Maxwell Sentenced 20 Years Prison Over Sex Trafficking New York Court)

5 प्रकरणांमध्ये दोषी

घिसलेन मॅक्सवेल या ब्रिटनमधील (Britain) एक प्रभावशाली महिला आहेत. त्या रॉबर्ट मॅक्सवेल यांची मुलगी आहे. अल्पवयीन मुलींच्या लैंगिक तस्करीसह आणलेल्या 6 पैकी 5 प्रकरणांमध्ये त्या दोषी आढळल्या आहेत. प्रियकर एपस्टाईनला मदत केल्याप्रकरणी घिसलेन मॅक्सवेल यांना न्यायालयाने दोषी ठरवले आहे.

न्यायालयात दाद मागितली

मात्र, मॅक्सवेल यांच्या वकिलांनी न्यायालयाकडे शिक्षा कमी करण्यासंबंधी अपील केले. त्यानंतर न्यायमूर्ती अ‍ॅलिसन नाथन यांनी यूएस प्रोबेशन ऑफिसने सुचवलेल्या शिक्षेवर विचार करण्याचा निर्णय घेतला. यापूर्वी या प्रकरणात सरकारी वकिलांनी 30 ते 55 वर्षांच्या शिक्षेची मागणी न्यायालयाकडे (Court) केली होती.

कायद्याच्या वर कोणीही नाही

न्यू यॉर्कच्या दक्षिणी जिल्ह्याचे अमेरिकन वकील डॅमियन विल्यम्स यांनी सांगितले की, 'आजच्या शिक्षेमुळे घिसलेन मॅक्सवेलला मुलांविरुद्धच्या जघन्य गुन्ह्यांसाठी जबाबदार धरण्यात आले आहे. कायद्याच्या वर कोणीही नाही आणि न्यायासाठी कधीही उशीर झालेला नाही.'

मॅक्सवेलला 2020 मध्ये अटक करण्यात आली होती

मॅक्सवेलला 2020 मध्ये अटक करण्यात आली असून तेव्हापासून त्या तुरुंगात आहेत. यापूर्वी अटक करण्यात आलेल्या एपस्टाईनने न्यूयॉर्कमध्ये केलेल्या गुन्ह्यांच्या खटल्याच्या प्रतीक्षेत असताना 2019 मध्ये तुरुंगात आत्महत्या केली. त्याच वेळी, मॅक्सवेलच्या वकिलांनी हे स्पष्ट करण्याचा प्रयत्न केला की, 'एपस्टाईनच्या मृत्यूचा मॅक्सवेलच्या केसवर परिणाम होईल.'

एपस्टाईनच्या गुन्ह्यांसाठी कोणतीही शिक्षा होऊ शकत नाही

बचाव पक्षाच्या वकिलांनी न्यायालयासमोर युक्तिवाद केला की, 'मॅक्सवेलला एपस्टाईच्या गुन्ह्यांसाठी जबाबदार धरायला हवे होते.'

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rakhi 2025 Lucky Colors: रक्षाबंधन विशेष, राशीनुसार कपड्यांचे आणि राखीचे कोणते रंग शुभ आहेत? जाणून घ्या

Nagpanchami 2025: संपूर्ण गोव्यात नागपंचमी उत्साहात साजरी

Free Train To Konkan: चाकरमान्यांका बाप्पा पावलो! गणेशोत्सवात दादर ते कुडाळ करता येणार 'मोफत प्रवास', एका कॉलवर करा बुकिंग

Goa Assembly Session: समुद्रकिनाऱ्यांवरून बेकायदेशीर दलाल आणि मार्गदर्शकांना हटवा

IND vs ENG: फक्त 'इतकं' करा आणि 2 विक्रम मोडा! ओव्हलमध्ये घडणार मोठा करिष्मा; भारत-इंग्लंड मिळून मोडणार 70 वर्ष जुना वर्ल्ड रेकॉर्ड

SCROLL FOR NEXT