काठमांडू: नेपाळमधील (Nepal) रौताहत जिल्ह्यात काल रात्री एका तळ्यात मोटार कोसळून मोठा अपघात झाला या अपघातात 4 भारतीयांचा (Indians) समावेश आहे. आणि त्या चार भारतीयांचा या अपघातात (Accident) मृत्यू झाला. वाहनचालकासह मोटारीतील तिघांनी मद्यप्राशन केले होते आणि त्यामुळे मोटारीवरील नियंत्रण सुटून हा अपघात झाल्याचा प्राथमिक अंदाज आहे.

दक्षिण नेपाळ मधील रौताहत जिल्ह्यात हा अपघात झाला. या अपघातात ठार झालेले सर्व जण बिहारचे रहिवासी असून त्यांची ओळख पोलिसांना पटली आहे. ज्या तळ्यात हि मोटार कोसळली ते तळे गौर-चंद्रपुर रस्त्यावर आहे. या ठिकाणाहून जात असताना चालकाचा गाडीवरील ताबा सुटला आणि ते वाहन तळ्यात जावून बुडाले. या अपघातात ठार झालेल्या 4 व्यक्तींकडे असलेल्या आधार कार्डामुळे त्यांची ओळख पटू शकली.

काल रात्री नेपाळ पोलिसांनी या बाबतची माहिती भारतीय पोलिसांना दिली आहे. त्यानुसार मृतांचे नातेवाईत नेपाळला पोहचले असून आज सकाळी त्यांचे मृतदेह नातेवाईकांच्या ताब्यात देण्यात आले आहेत.