कॅनडा : युक्रेन-रशिया युद्धादरम्यान दोन भारतीय भारतीय विद्यार्थ्यांचा मृत्यू झाला होता. त्यामुळे देशांत दु:खाची लाट पसरली होती. हे दु:ख कमी होते ना होते तोपर्यंत देशात आणकी एक दु:खद घटनेची बातमी येऊन धडकली आहे. यावेळी कॅनडामध्ये एक भीषण अपघातात झाल्याचे समोर येत असून त्यात 5 भारतीय विद्यार्थ्यांचा मृत्यू झाला आहे. हा अपघात शनिवारी कॅनडातील टोरंटोजवळ ओंटारियो हायवेवर झाला. (Five Indian students killed in accident in Canada)

कॅनडातील ओंटारियो हायवेवर (Highway) शनिवारी विद्यार्थ्यांची कार ट्रॅक्टर-ट्रेलरला धडकल्याने हा अपघात झाला. ज्यात 5 भारतीय विद्यार्थ्यांचा मृत्यू झाला. तर इतर दोन विद्यार्थी रुग्णालयात दाखल आहेत.

कॅनडातील भारतीय उच्चायुक्तांनी (Indian High Commissioner) सोमवारी या घटनेची माहिती दिली. तसेच त्यांनी ट्विट करत, या घटनेबद्दल शोक व्यक्त केला आणि सांगितले की, आम्ही पीडितांच्या मित्रांना सर्व मदत देण्याचा प्रयत्न करत आहोत. भारतीय राजनैतिक अधिकारी अजय बिसारिया यांनी ट्विट करत म्हटले की, 'कॅनडातील हृदयद्रावक घटना. तसेच पीडितांच्या कुटुंबियांप्रती आमची संवेदना असून भारतीय उच्चायुक्तालय मदतीसाठी पीडितांच्या मित्रांच्या (Friends) संपर्कात असल्याचे म्हटले आहे.

या अपघातात हरप्रीत सिंग, जसपिंदर सिंग, करणपाल सिंग, मोहित चौहान आणि पवन कुमार अशी मृत्यू झालेल्या विद्यार्थ्यांची नावे असल्याचे ओंटारियो प्रांतीय पोलिसांनी (Police) सांगितले.

ही बातमी कळताच, परराष्ट्र मंत्री एस. जयशंकर (Foreign Minister S. Jaishankar) यांनी शोक व्यक्त केला. तसेच त्यांनी ट्विट करत, 'कॅनडामध्ये 5 भारतीय विद्यार्थ्यांच्या मृत्यूने खूप दुःख झाले. आमची सहानुभूती त्यांच्या कुटुंबासोबत आहेत. जखमी लवकरात लवकर बरे व्हावेत ही प्रार्थना. कॅनडातील (Canada) भारतीय उच्चायुक्तालय पीडितांना संपूर्ण मदत करेल. या घटनेत जखमी झालेल्या दोन विद्यार्थ्यांना (Students) जवळच्या रुग्णालयात (Hospital) दाखल करण्यात आले आहे.