Philippines Fire: फिलिपाईन्समध्ये गुरुवारी एक मोठी दुर्घटना घडली. येथील एका कपड्याच्या कारखान्याला आग लागली, ज्यात 16 जणांचा होरपळून मृत्यू झाला.

मीडिया रिपोर्ट्सनुसार, ही कपड्यांची फॅक्टरी दोन मजली इमारत होती, जी जळून खाक झाली. यासोबतच गोदाम आणि कामगारांच्या निवासासाठीही त्याचा वापर केला जात होता.

दरम्यान, राजधानी मनिला येथील एका कपड्याच्या कारखान्यात आग लागली. या अपघातात (Accident) 16 जणांचा मृत्यू झाला. मीडिया रिपोर्ट्सनुसार, गुरुवारी लागलेल्या आगीत दोन मजली इमारत पूर्णपणे जळून खाक झाली.

घटनेवेळी कर्मचारी झोपले होते

वृत्तानुसार, या दुर्घटनेची माहिती देताना अग्निशमन दलाचे प्रमुख मार्सेलो रगुंडियाज यांनी सांगितले की, तीन जण बचावले आहेत. रिपोर्टनुसार, ही आग इमारतीच्या मध्यभागी लागली. त्यामुळे बहुतांश लोकांना त्यातून बाहेर पडता आले नाही.

आगीच्या वेळी पूर, जाम आणि चुकीच्या पत्त्यामुळे अग्निशमन दलाला पोहोचण्यात उशीर झाल्याचे सांगण्यात येत आहे. अधिका-यांनी सांगितले की, मृतांमध्ये बहुतेक कारखान्याचे कामगार होते जे घटनेच्या वेळी खोलीत झोपले होते.

मृतांमध्ये कारखान्याचा मालक आणि त्याच्या मुलाचाही समावेश आहे.

अग्निशमन दलाचे अधिकारी नहुम तरोजा यांनी सांगितले की, खोलीच्या बाहेर कॉरिडॉरमध्ये काही लोक मृतावस्थेत आढळले. या मृतांमध्ये कारखाना मालक आणि त्याच्या मुलाचाही समावेश आहे.

तरोजा यांनी सांगितले की, आग लागल्याने तीन जणांनी दुमजली कारखान्याच्या दुसऱ्या मजल्यावरुन उडी मारली आणि ते जखमी झाले.

जखमींना तातडीने रुग्णालयात (Hospital) दाखल करण्यात आले आहे. पूर आणि वाहतूक कोंडी तसेच अग्निशमन दलाच्या जवानांना चुकीचा पत्ता दिल्याने पथक थोडे उशिरा पोहोचल्याचे त्यांनी सांगितले.