नुकताच तुर्की, सीरिया आणि इराणमध्ये झालेल्या भूकंपामुळे झालेल्या हानीच्या बातम्या पाहायला मिळाल्या. निसर्गानं केलेली धूळधाण जगभरातील लोकांनी पहिली. तिन्ही देशांमध्ये मिळून 7,800 हून अधिक लोकांचे मृत्यू झाले आहेत.

कित्येकजण अद्याप बेपत्ता आहेत. 15,000 हून अधिक जण जखमी झाल्याची माहिती मिळाली आहे. बचावकार्य अजूनही काही ठिकाणी सुरु आहे. अशातच आता न्यूझीलंडमध्ये मोठा भूकंप झाल्याची मोठी बातमी समोर येतेय. या भूकंपाची तीव्रता 6.1 रिश्टर स्केल इतकी नोंदवण्यात आल्याचेही समजतंय.

या बाबत अशी माहिती समोर येतेय की, न्यूझीलंडमधील स्थानिक वेळेनुसार संध्याकाळी सातच्या सुमारास भूकंप झाला असून त्यानंतर सलग 30 सेकंदांपर्यंत भूकंपचे धक्के बसत होते. राजधानी वेलिंग्टनसह देशातील अनेक शहरांमध्ये भूकंपाचे धक्के जाणवले आहेत. त्यामुळे आता नागरिकांमध्ये भीतीचं वातावरण असल्याचं पहायला मिळतंय.