Earthquake shocks simultaneously shook many countries including Pakistan:

गेल्या काही दिवसांपासून भारतासह जगातील अनेक देशांमध्ये भूकंपाच्या घटनांमुळे लोकांच्या मनात भीतीचे वातावरण निर्माण झाले आहे. या घटना कुठल्यातरी मोठ्या आपत्तीची चिन्हे आहेत, अशी भीती सर्वांना वाटत आहे.

दरम्यान, मंगळवारी सकाळी पाकिस्तान, तिबेट आणि न्यू गिनीच्या किनारपट्टीवर भूकंपाचे तीव्र धक्के जाणवले. नॅशनल सेंटर फॉर सिस्मॉलॉजीने या भूकंपांची सविस्तर माहिती दिली आहे.

न्यू गिनी

मंगळवारी सकाळी न्यू गिनीच्या उत्तरेकडील किनारपट्टीजवळ जोरदार भूकंप झाला, त्यामुळे लोकांमध्ये भीतीचे वातावरण पसरले आहे.

नॅशनल सेंटर फॉर सिस्मॉलॉजीने अहवाल दिला आहे की, न्यू गिनीच्या उत्तरेकडील किनारपट्टीजवळ झालेल्या या भूकंपाची तीव्रता रिश्टर स्केलवर 6.5 एवढी होती. पहाटे 3.16 च्या सुमारास भूकंपाचे धक्के जाणवले आणि त्याचा केंद्रबिंदू पृथ्वीपासून 10 किमी खोलीवर होता.

पाकिस्तान

नॅशनल सेंटर फॉर सिस्मॉलॉजीनुसार, मंगळवारी पहाटे ३:३८ वाजता पाकिस्तानची जमीन भूकंपाने हादरली. या भूकंपाची तीव्रता रिश्टर स्केलवर 4.2 इतकी मोजण्यात आली आहे.

अहवालानुसार या भूकंपाचा केंद्रबिंदू पृथ्वीपासून १० किलोमीटर खाली होता. याआधी सप्टेंबरमध्ये पाकिस्तानमध्ये १० किलोमीटर खोलीवर ४.४ रिश्टर स्केलचा भूकंप झाला होता.

जिझांग/तिबेट

मंगळवारी सकाळीच तिबेटमध्ये भूकंपाचे जोरदार धक्के जाणवले, ज्याला चीन आता जिझांग म्हणतो.

नॅशनल सेंटर फॉर सिस्मॉलॉजीने सांगितले की, जिझांग भागात झालेल्या या भूकंपाची तीव्रता रिश्टर स्केलवर 4.7 एवढी होती. हा भूकंप पहाटे 3:45 वाजता झाला आणि त्याचे केंद्र पृथ्वीपासून 140 किमी खोलीवर होते.