कोरोना व्हायरसने परत जगभरात हाहाकार माजवला आहे. कोरोना विषाणूची लाखो प्रकरणे अजूनही नोंदवली जात आहेत, परंतु आश्चर्याची गोष्ट म्हणजे आतापर्यंत संपूर्ण जगामध्ये एक रहस्य आहे की हा विषाणू कसा आणि कुठून पसरला? या प्रश्नाचे नेमके उत्तर अद्याप कोणाकडे नाही.

आता इतके दिवस उलटून गेल्यानंतरही या विषाणूचे नेमके कारण शोधणे कदाचित शक्य नसल्याचेही बोलले जात आहे. दरम्यान, आता कोरोना व्हायरसबाबत उत्तर कोरियाचे शासक किम जोंग उन यांचे एक विचित्र विधान समोर आले आहे.

किम जोंग उन अनेकदा आपल्या विचित्र वक्तव्यांमुळे चर्चेत असतात. आता पुन्हा एकदा त्यांनी कोरोनाबाबत असे वक्तव्य केले आहे, ज्याची जगभरात चर्चा होत आहे. एलियन्समुळे कोरोना पसरत असल्याचा दावा किम जोंग यांनी केला आहे. किम जोंग उन म्हणाले की, देशातील पहिला कोरोनाचा रुग्णही एलियन्समुळे सापडला आहे.

एलियन्सने दक्षिण कोरियाशी जोडलेल्या सीमेवरून फुग्यात विषाणू टाकला. तेव्हापासून देशात कोरोना विषाणूचा फैलाव झाला आहे. त्याचवेळी, उत्तर कोरियामध्ये एप्रिलमध्ये एक 18 वर्षीय सैनिक आणि 5 वर्षांच्या मुलाने 'एलियन सदृश वस्तू'ला स्पर्श केल्याची अफवा पसरली होती. यानंतर दोघांमध्ये कोरोनाची लक्षणे आढळून आली.

तथापि, शेजारील दक्षिण कोरियाने एलियन स्प्रेडचा सिद्धांत खोडून काढला आहे. सोलमधील एका प्राध्यापकाचे म्हणणे आहे की किम जोंगच्या दाव्यावर विश्वास ठेवणे कठीण आहे कारण वस्तूंमधून विषाणू पसरण्याची शक्यता खूपच कमी आहे.