China Economic Growth Rate: गेल्या वर्षी चीनमध्ये कोरोना महामारीचा सामना करण्यासाठी लादण्यात आलेल्या निर्बंधांमुळे, रिअल इस्टेटमध्ये प्रचंड मंदी आली. त्याचाच परिणाम म्हणून आर्थिक विकास दर 3 टक्क्यांपर्यंत घसरला. मात्र, निर्बंध हटल्यानंतर त्यात हळूहळू सुधारणा होत आहे.

सरकारी आकडेवारीनुसार, जगातील दुसऱ्या क्रमांकाच्या अर्थव्यवस्थेचा विकास दर एका वर्षात 2.9 टक्क्यांवर घसरला आहे. तज्ज्ञांचे म्हणणे आहे की, निर्बंध उठवल्यानंतर शॉपिंग मॉल्स आणि रेस्टॉरंटमध्ये (Restaurant) लोकांची उपस्थिती हळूहळू वाढत आहे.

जागतिक अर्थव्यवस्थेची वाईट स्थिती

सरकारच्या म्हणण्यानुसार, कोरोना संसर्गाची लाट ओसरु लागली आहे. चीनचा गेल्या वर्षीचा आर्थिक विकास दर 2021 च्या 8.1 टक्क्यांच्या निम्म्याहून कमी होता. कोरोना महामारीमुळे जगाची अर्थव्यवस्था बिकट झाली आहे. कोरोनाचा सामना करण्यासाठी चीनमध्ये लादण्यात आलेले निर्बंध आणि रिअल इस्टेट क्षेत्रातील मंदी यामुळे गेल्या वर्षी चीनचा (China) आर्थिक विकास दर 2022 मध्ये 3 टक्क्यांवर आला होता. जगातील दुसऱ्या क्रमांकाच्या सर्वात मोठ्या अर्थव्यवस्थेतील 50 वर्षांतील ही दुसरी सर्वात कमी वाढ आहे.

शॉपिंग मॉल्स आणि रेस्टॉरंटमध्ये लोकांची उपस्थिती वाढली

नॅशनल ब्युरो ऑफ स्टॅटिस्टिक्सच्या आकडेवारीनुसार, 2022 मध्ये चीनचा जीडीपी 1,21,020 अब्ज युआन किंवा $17,940 अब्ज होता. चीनचा जीडीपी विकास दर 5.5 टक्क्यांच्या अधिकृत लक्ष्यापेक्षा खूपच कमी आहे. तज्ज्ञांचे म्हणणे आहे की, निर्बंध उठवल्यानंतर शॉपिंग मॉल्स आणि रेस्टॉरंटमध्ये लोकांची उपस्थिती हळूहळू वाढत आहे. त्याचवेळी, सरकारच्या (Government) म्हणण्यानुसार, असे दिसते की, संसर्गाची सध्याची लाट निघून गेली आहे. यापूर्वी 1974 मध्ये चीनचा विकास दर 2.3 टक्के होता.

लक्षणीय बाब म्हणजे, या वर्षी चीनचा डॉलर मूल्यातील जीडीपी दर 2021 मध्ये $18,000 अब्ज डॉलरवरुन 17,940 अब्ज डॉलरवर आला आहे. चिनी चलनाच्या (RMB) तुलनेत डॉलर मजबूत झाल्यामुळे हे घडले. RMB (RMB) मध्ये चीनची अर्थव्यवस्था 2022 मध्ये 1,21,020 अब्ज युआन होती, जी 2021 मध्ये 1,14,370 अब्ज युआन होती.