पाकिस्तानचे पंतप्रधान शाहबाज शरीफ 24 जून रोजी बलुचिस्तानमधील ग्वादर दौऱ्यावर होते. आपल्या भेटीदरम्यान, त्यांनी बलुचिस्तानच्या नागरिकांना विकासासाठी या प्रदेशात गुंतवणूक करणाऱ्या परदेशी गुंतवणूकदारांच्या सुरक्षिततेसंबंधीचे आवाहन केले आहे. China Is Pakistan Closest Friend Not East India Company Says Shehbaz Sharif

बलुचिस्तानचे प्रश्न सोडवण्याची जबाबदारी सरकारची

बलुचिस्तानच्या समस्यांबाबत शाहबाज म्हणाले की, 'स्थानिक नागरिकांच्या समस्या सोडवणे ही सरकारची जबाबदारी आहे.' मच्छीमारांच्या समस्या प्राधान्याने सोडविल्या जातील, असेही ते म्हणाले. स्थानिक जनतेचे प्रश्न सोडविल्याशिवाय राज्याचा विकास निरर्थक असल्याचे शरीफ म्हणाले.

चीन ही ईस्ट इंडिया कंपनी नाही, असे शाहबाज म्हणाले

चीन हा पाकिस्तानचा (Pakistan) सर्वात जवळचा मित्र असल्याचे शाहबाज शरीफ यांनी म्हटले आहे. चीन आणि ईस्ट इंडिया कंपनी यांच्यात साम्य नाही. राजनैतिक आणि आर्थिक पातळीवर चीनने (China) पाकिस्तानला नेहमीच पाठिंबा दिला आहे. पाकिस्तान आणि विशेषत: बलुचिस्तानच्या विकासात चीनने महत्त्वाची भूमिका बजावली आहे.

बलुचिस्तानमध्ये चिनी प्रकल्पांना लक्ष्य केले जात आहे

ग्वादर हे बलुचिस्तानच्या (Balochistan) स्वातंत्र्याची मागणी करणाऱ्या लडाख्यांचे केंद्र राहिले आहे. गेल्या काही वर्षांत या भागात चिनी कारवायांमध्ये वाढ झाल्यामुळे दहशतवादी गटांकडून चिनी संबंधित प्रकल्प आणि चिनी कर्मचाऱ्यांना लक्ष्य करण्यात आले आहे.