चीनमध्ये रविवारी 206 नवीन कोरोना बाधित आढळले आहेत. फेब्रुवारी 2022 मध्ये आयोजित हिवाळी ऑलिम्पिकपूर्वी कोरोनाचा उद्रेक रोखण्यासाठी चीनी सरकार झटत आहे. झियान शहरात कोरोनाचा फैलाव वाढला आहे. परिणामी तिथे गुरुवारपासून लॉकडाऊन (Lockdown) लावण्यात आला आहे. झियानच्या स्थानिक प्राशसणाने कोरोना प्रादुर्भाव रोखण्यासाठी शहराच्या निवासी भागात हजारो आरोग्य कर्मचारी तैनात केले आहेत.

"रहिवाशांनी अत्यंत आवश्यक असल्याशिवाय शहर सोडू नये," असे राज्य वृत्तसंस्था शिन्हुआने सांगितले. “कोविड-19 (COVID-19) विरुद्धच्या लढ्यात मदत करण्यासाठी, कम्युनिस्ट पार्टी ऑफ चायना (China) च्या शियान म्युनिसिपल कमिटीने 33,000 हून अधिक सरकारी कर्मचाऱ्यांना आघाडीवर पाठवले आहे,” असे शिन्हुआच्या अहवालात म्हटले आहे. चीनमध्ये 25 डिसेंबरपर्यंत 101,077 कोरोना रुग्णांची नोंद झाली आहे.