Uganda: युगांडाची राजधानी कंपाला येथे नवीन वर्षाच्या स्वागताच्या जल्लोषादरम्यान एक वाईट घटना घडली आहे. नवीन वर्षाच्या स्वागतासाठी येथे आतिषबाजी केली जात होती. आतिषबाजी बघण्यासाठी लोकांनी मोठ्या प्रामाणात गर्दी केली .

यादरम्यान धावपळ, धक्काबुक्की होऊन एका 10 वर्षाच्या मुलासहित इतर दहा जणांचा मृत्यू झाल्याची घडना घडली आहे.घुसमट होऊन हे मृत्यू झाल्याचे समोर आले आहे.

न्यू एजेंसी रॉयटर्स दिलेल्या माहितीनुसार हे लोक रात्री 12 वाजता फ्रीडम सिटी मॉलच्या एका लहान कॉरिडोरमध्ये एकत्र आले होते. आतिषबाजी सुरु झाल्यानंतर ती बघण्यासाठी लोकांची धावपळ सुरु झाली. गर्दी झाल्यानंतर लोकांना श्वास घ्यायला त्रास होऊ लागला आणि त्यातच श्वास गुदमरुन लोकांचा मृत्यू झाला.

आता पर्य़त नऊ जणांचा मृत्यू झाल्याचे समोर आले आहे. हा अपघात घाईगडबड तसेच बेजबाबदारपणामुळे झाल्याचे पोलिस( Police) प्रशासनाने म्हटले आहे. दरम्यान, आतापर्यत याप्रकरणात कोणालाही अटक करण्यात आली नाही, अधिक तपास सुरु असल्याचे म्हटले आहे.