Baba Vanga Prediction on Vladimir Putin : युक्रेन एक महिन्यापासून सतत रशियावर हल्ला करत आहे. रुसो-युक्रेन युद्धाच्या दरम्यान, बल्गेरियाचे बाबा वेंगा पुन्हा एकदा चर्चेत आले आहेत. बाबा वेंगा यांनी अमेरिकेतील अल कायद्याचा 9/11चा हल्ला आणि त्सुनामी वादळाचे अचूक भाकीत केले होते. त्यांनी 23 वर्षांपूर्वी रशियाचे राष्ट्राध्यक्ष व्लादिमीर पुतिन यांच्याबद्दलही भविष्यवाणी केली होती.

रशिया जगावर राज्य करेल

बाबा वेंगा यांनी 1979 मध्ये लेखक व्हॅलेंटीन सिदोरोव्ह यांना व्लादिमीर पुतिन यांचा झेंडा जगभर फडकणार असल्याचे सांगितले होते. पुतीन (Russia President Vladimir Putin) यांच्या देखरेखीखाली रशिया संपूर्ण जगावर राज्य करेल. ते म्हणाले होते की, रशिया "जगाचा शासक" बनेल आणि युरोप ओसाड प्रदेशामध्ये बदलेल. युरोप कमकुवत झाल्यानंतर जगावर रशियाचे राज्य असेल.

बाबा वेंगा यांनी युक्रेनवर रशियन हल्ल्याचीही भविष्यवाणी केली होती. रशियासमोर कोणीही टिकू शकणार नाही, असे ते म्हणाले होते. रशियाला कोणीही रोखू शकत नाही. रशिया मार्गात उभ्या असलेल्या सर्व शक्तींचा नाश करेल आणि एक वेळ अशी येईल जेव्हा रशिया जगाचा स्वामी बनेल. रशिया ही जगातील एकमेव महासत्ता असेल.

85 टक्के अंदाज बरोबर!

याआधी त्यांनी नैसर्गिक आपत्तींचे भाकीत केले होते. तसेच त्यातून निर्माण होणाऱ्या संघर्षांबाबत इशारा दिला होता. जागतिक घडामोडी आणि मानवजातीच्या स्थितीबाबत त्यांनी केलेली अनेक भाकिते खरी ठरली आहेत. त्यापैकी ISIS चा उदय आणि ट्विन टॉवर्सच्या पडझडीचे भाकीत आजपर्यंत चर्चेत आहेत. तज्ज्ञांच्या मते, त्यांचे 68 टक्के अंदाज खरे ठरले आहेत. त्याचवेळी बाबा वेंगाचे (Baba Venga) 85 टक्के भाकीत खरे ठरल्याचा दावा त्यांच्या अनुयायांनी केला आहे.