Nigeria Community Attack Taraba State Karim Lamido Dainik Gomantak
ग्लोबल

Nigeria Crime News: जीव वाचवण्यासाठी लोकांनी नदीत घेतल्या उड्या, बंदूकधाऱ्यांचा हैदोस! नायजेरियातील भीषण हल्ल्यात 62 जणांचा मृत्यू; हजारो बेघर

Nigeria Community Attack Taraba State Karim Lamido: नायजेरियातून एक अत्यंत धक्कादायक बातमी समोर आली.

Manish Jadhav

Nigeria Community Attack Taraba State Karim Lamido: नायजेरियातून एक अत्यंत धक्कादायक बातमी समोर आली. देशातील आपत्कालीन यंत्रणेने दिलेल्या माहितीनुसार, उत्तर-पूर्व नायजेरियात काही सशस्त्र बंदूकधाऱ्यांनी एका शांततापूर्ण समुदायावर अचानक हल्ला केला. या क्रूर हल्ल्यात 62 निष्पाप लोकांचा मृत्यू झाला असून, 52 हून अधिक लोक गंभीर जखमी झाले आहेत.

नॅशनल इमर्जन्सी मॅनेजमेंट एजन्सीचे (NEMA) राज्यप्रमुख लादान अयुबा यांनी सांगितले की, हा भीषण हल्ला शुक्रवारी ताराबा राज्याच्या करीम-लामिडो स्थानिक सरकारी क्षेत्रांतर्गत येणाऱ्या बिनारी समुदायात घडला. या मानवनिर्मित संकटामुळे हजारो स्थानिक नागरिकांना आपले घरदार सोडून सुरक्षित ठिकाणी पलायन करावे लागले.

उत्तर नायजेरियाच्या (Nigeria) या भागात सशस्त्र गुन्हेगार गटांना स्थानिक भाषेत 'बँडिट' किंवा डाकू म्हटले जाते. हे सशस्त्र लोक सामान्य नागरिकांना नेहमीच आपले लक्ष्य बनवतात. NEMA च्या अधिकाऱ्यांनी दिलेल्या माहितीनुसार, घटनास्थळावरुन आतापर्यंत 52 मृतदेह बाहेर काढण्यात आले आहेत, त्यापैकी 15 मृतदेह जवळच असलेल्या बेनुए नदीतून हाती लागले आहेत. ताराबा पोलिसांचे प्रवक्ते व्हिक्टर मशेलीजाह यांनी स्पष्ट केले की, मृतांचा हा आकडा अंतिम नाही कारण अजूनही काही नागरिक बेपत्ता आहेत आणि शोधमोहीम सुरु असल्याने मृतांची संख्या वाढण्याची दाट शक्यता आहे. आमची बचाव पथके अद्यापही घटनास्थळी उपस्थित असून परिस्थितीवर सतत लक्ष ठेवून आहेत.

एमनेस्टी इंटरनॅशनल नायजेरियाचे संचालक ईसा सनुसी यांनी या घटनेबाबत माहिती देताना सांगितले की, हल्लेखोरांनी भौगोलिक परिस्थितीचा फायदा घेत नागरिकांना नदीच्या दिशेने पिटाळून लावले. डाकूंपासून जीव वाचवण्यासाठी घाबरलेल्या लोकांनी नदीत उड्या मारल्या. सध्या नायजेरिया गंभीर सुरक्षा संकटाचा सामना करत आहे. येथील सामान्य नागरिकांना अशा सशस्त्र डाकूंच्या सतत त्रासाला सामोरे जावे लागते, जे खंडणीसाठी मोठ्या प्रमाणावर लोकांचे अपहरण करतात आणि बेकायदेशीर खाणींवर ताबा मिळवतात.

याशिवाय, बोको हराम आणि इस्लामिक स्टेट वेस्ट अफ्रीका प्रोव्हिन्ससारखे धोकादायक दहशतवादी गट देखील अशा हिंसाचारांमध्ये सक्रिय आहेत. यापूर्वी उत्तर-पश्चिम नायजेरियात शेतात काम करणाऱ्या 17 शेतकऱ्यांची देखील अशाच प्रकारे निर्घृण हत्या करण्यात आली होती, ज्यामध्ये 13 शेतकरी गंभीर जखमी झाले होते. सतत घडणाऱ्या अशा हिंसक घटनांमुळे संपूर्ण परिसरात भीतीचे आणि दहशतीचे वातावरण पसरले असून आंतरराष्ट्रीय स्तरावरही चिंता व्यक्त केली जात आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Bird Flu Vaccine: बर्ड फ्लूविरुद्ध भारताने बनवली स्वदेशी लस; 20 नोव्हेंबरला होणार लाँच

Quad Summit 2026: 'क्वाड' हिंद-प्रशांतचा विश्वासार्ह भागीदार; मोदींचा सागरी सुरक्षा, तंत्रज्ञान अन् सहकार्यावर भर

ICC ODI Batting Rankings: वनडे रँकिंगमध्ये मोठा फेरबदल! शुभमन गिल आणि विराट कोहलीची बादशाहत कायम, रोहित-श्रेयसला झटका

Kendra Drishti Yog 2026: भाग्य उजळणार संयोग! सूर्य-गुरुच्या केंद्र दृष्टीने 5 राशींना मिळणार अफाट संपत्ती; आर्थिक लाभाची पर्वणी

IPL Auction Date: BCCI कडून IPL 2027 ऑक्शनची तारीख जाहीर, 16 डिसेंबरला गोव्यात खेळाडूंवर लागणार कोटींची बोली; पैशांचा पडणार पाऊस

SCROLL FOR NEXT