जगप्रसिद्ध के-पॉप बँडने अतिशय महत्वाचा निर्णय घेतला आहे. यापुढे BTS बँडचे सर्वजण सैन्य दलात सेवा बजावणार आहेत. बँडचे सर्वात जुने सदस्य 'जिन' यांच्यापासून या लष्करी सेवेची सुरूवात होणार आहे. 2013 साली सुरू झालेल्या BTS बँड अल्प काळात प्रसिद्ध झाला व सर्वदूर पोहचला. BTS ने लष्करी सेवेचा निर्णय घेतलेल्यांना हा बँड नेटवर सध्या ट्रेन्ड करतो आहे. बँडच्या सर्व सदस्यांचे नेटकरी कौतुक करत आहेत.

दक्षिण कोरियात 18 ते 28 वयातील सर्वांना लष्करी सेवेत काम करणे बंधनकारक आहे. या वयातील व्यकींना 18 ते 21 महिने सेवेत काम करावेच लागते असा नियम आहे. उत्तर कोरियाच्या अणु कार्यक्रमाविरोधात सक्षमपणे लढण्यासाठी दक्षिण कोरिया काम करत आहे. याचाच भाग म्हणून हा नियम करण्यात आला आहे. आता यासाठी BTS बँडने देखील पुढाकार घेतल्याने बँडवरती कौतुकाचा वर्षाव होत आहे.

BTS बँडने जुन दरम्यान आपल्या संगीत कार्यक्रमांना काहीसा ब्रेक दिला होता. त्यावरून बँडच्या भवितव्याबाबत देखी चर्चा झाली होती. दरम्यान, बँडने आता बुसान शहरात मोफत कॉन्सर्ट आयोजित केली आहे. दक्षिण कोरियाच्या जागतिक प्रदर्शन 2023 च्या समर्थनात हा संगीत कार्यक्रम केला जाणार आहे.