नेपाळमध्ये रविवारी (15 जानेवारी) एक प्रवासी विमान कोसळून 60 जणांचा मृत्यू झाला असून, हा आकाडा वाढण्याची शक्यता आहे. विमान काठमांडूहून पोखराला जात असताना पोखरा विमानतळावर लँडिंगवेळी हा अपघात झाला. विमानात 68 प्रवासी आणि 4 क्रू मेंबर्स होते. अपघात झालेले विमान यती एअरलाईन्सचे आहे. पोखरा येथील सेती खोच येथे हे विमान कोसळले असून त्यानंतर विमानाला आग लागली.  दरम्यान, विमान काही कोसळतानाचा एक व्हिडिओ आणि कोसळल्यानंतर विमानाचा झालेला चक्कचूर याचे काही समोर आले आहेत.

पोखरा आंतरराष्ट्रीय विमानतळावर लँडिंग करताना विमान दुर्घटनाग्रस्त झाले. त्यामुळे विमानाला आग लागली. लँडिंग करताना विमानाचा गेलेला तोल याचा एक थरारक व्हिडिओ समोर आला आहे.

विमान अपघातग्रस्त होताच त्याला भीषण आग लागली. दरम्यान, बचाव दलाचे कर्मचारी तात्काळ घटनास्थळी दाखल झाले व आग विझवण्याचा प्रयत्न करत आहेत.

विमानात अकरा परदेशी पर्यटकांसह तीन नवजात मुलं होती. अपघाताच्या वेळी विमानात 53 नेपाळी, पाच भारतीय, चार रशियन, एक आयरिश नागरिक, दोन कोरियन, एक अर्जेंटिनाचा आणि एक फ्रेंच नागरिक होता.

खराब हवामानामुळे ही घटना घडली असावी, असा निष्कर्ष नेपाळ सरकारच्या चौकशी अहवालात आला आहे. विमान अपघाताची उच्च स्तरीय चौकशी करण्याचे आदेश देण्यात आले आहेत. दरम्यान, नेपाळमध्ये गेल्या 30 वर्षांत किमान 27 विमान अपघात झाले आहेत.