अमेरिकेतील 21 वर्षीय पर्यटक महिलेवर पाकिस्तानमध्ये सामूहिक बलात्कार (21-year-old American woman was allegedly gang-raped in Pakistan) केल्याची धक्कादाक बातमी समोर आली आहे. पर्यटक महिला मागील सात महिन्यांपासून पाकिस्तानमध्ये होती. डीजी खान जिल्ह्यातील फोर्ट मुनरो या हॉटेलमध्ये 17 जुलै रोजी ही घटना घडली.

व्लॉगर, टिकटॉकर (Vogger, Tiktoker) असणारी पीडित पर्यटक महिला आपल्या इतर मित्रांसोबत एका व्लॉगसाठी पाकिस्तानला गेली होती. महिलेची सोशल मिडियावर मुसमल सिप्रा याच्याशी मैत्री झाली. सिप्रा याने महिलेला भेटण्यासाठी फोर्ट मुनरो (Fort Monroe) या हॉटेलवरती बोलवले. आणि तिथेच ही घटना घडली, यापूर्वी देखील ती सिप्राला भेटली होती. अशी माहिती आहे.

वृत्तसंस्था पीटीआयला (PTI) दाखल घटनेची एफआयआर मिळाली आहे. यामध्ये महिला पाकिस्तानी मित्र मुसमल सिप्रा आणि अझान खोसा यांच्या सोबत हॉटेलवरती थांबली होती. संधीचा गैरफायदा घेऊन दोघांनी तिच्यावर गँगरेप केला. तसेच, त्या घटनेचा व्हिडिओ देखील तयार करून ब्लॅकमेल केले. असे महिलेने दाखल केलेल्या फिर्यादीत म्हटले आहे.

पीडित महिलेची वैद्यकिय चाचणी करून दोषी आरोपींच्या विरोधात बलात्काराचा गुन्हा दाखल केला आहे. दोषींना कठोर शिक्षा केली जाईल असे पंजाबचे मुख्यमंत्री हमजा शहबाज (Punjab CM Hamza Shebaz) यांनी म्हटले आहे.