Matoli Bazar Dainik Gomantak
ganesh chaturthi festival

Goa: म्हापशात आज आणखी गर्दीची शक्‍यता, लोकांचा उत्‍साह शिगेला!

Mapusa: गणेश चतुर्थीनिमित्त बाजारपेठा माटोळी तसेच सजावटीच्या साहित्याने सजल्या आहेत

दैनिक गोमन्तक

Ganesh Chaturthi: गणेश चतुर्थीनिमित्त बाजारपेठा माटोळी तसेच सजावटीच्या साहित्याने सजल्या आहेत. यात माटोळीसाठी लागणाऱ्या कांगल्या, घागऱ्या, रानटी फळांनी सध्या म्हापसा बाजारपेठही भरली आहे. आजच्‍यापेक्षा उद्या मंगळवारी 30 रोजी म्हणजे चतुर्थीच्या पूर्वसंध्येला बाजारात गर्दी उसळण्याची शक्यता आहे.

गोव्यात गणेशोत्‍सवात माटोळीला अनन्‍यसाधारण महत्त्‍व आहे. चतुर्थीच्या काळात थोडेफार पैसे मिळतील, या आशेने ग्रामीण भागातील लोक अधिकतर महिला वर्ग मोठ्या संख्येने माटोळी विक्री बाजारात सामील होतात. गेल्या वर्षीच्या तुलनेत यंदा मोटाळीचा व्यापार मोठ्या प्रमाणावर भरला आहे. परंतु अजून तरी अल्पप्रतिसाद असल्याचे म्हापशातील विक्रेत्यांनी सांगितले. काहींनी सांगितले की, डोंगरावर जाऊन माटोळीला लागणारे साहित्य गोळा करावे लागते. दुसरीकडे, काहीजण बाणास्तरी येथून थेट माटोळी साहित्य खरेदी करतात आणि विविध बाजारपेठांत जाऊन व्यवसाय करतात.

बार्देशसह पेडणे तालुका तसेच आजूबाजूचे लोक माटोळी तसेच चतुर्थीच्या खरेदीसाठी म्हापसा बाजारपेठेस भेट देतात. यावेळी बाजारात आलेले लोक हे माटोळी बाजारासह, भाजीपाला, सजावटीचे साहित्य खरेदी करतात. या माटोळी बाजारासह सजावटीचे साहित्य तसेच फटाक्यांनी स्टॉल्स सजले आहेत.

म्हापसा बाजारपेठेत पालिका मार्केट समितीने माटोळी बाजारासाठी खास मार्केटमध्येच व्यवस्था केली होती. यासाठी जागाही चिन्हांकित केली होती. त्यानुसार, शकुंतला पुतळ्यासमोरील रस्त्यावर दुहेरी बाजूने विक्रेत्यांना बसविलेले. मात्र, मार्केटबाहेर मुख्य रस्त्यावर काही विक्रेते परस्पर बसले. यावेळी वाहतूक कोंडी होऊ लागल्याने संबंधितांना पालिकेने आतमध्ये बसण्यास परवानगी दिली.

दरम्‍यान, उद्या मंगळवारी म्‍हणजे गणेश चतुर्थीच्‍या आदल्‍या दिवशी म्‍हापसा बाजारात विक्रेत्‍यांबरोबरच ग्राहकांचीही झुंबड उडण्‍याची शक्‍यता आहे. आज सोमवारीही गर्दी झाली होती. पण दरवर्षी चतुर्थीच्‍या आदल्‍या दिवशी बाजारात झुंबड उडत असते.

* माटोळीच्‍या वस्‍तू आणि दर

नारळाची पेण 800 रु, सुपारीचे कात्रे 800, मोठे नारळ 100 रु, कांगले 100रु, मावळिंगे 100 रु, घाघरी 100 रु, माटा 50, तोरंग 100, हरिणे 50, कवणाळा 20, कराणे 20, आंबाडे 50 (20 नग), केळीच्या शिरत्या 50, चिबूड 100, उस (20 नग), केळीचा घड 400, वेलची केळी 80 रु. किलो, चिकू (10 नग), सफरचंद 140 किलो, सीताफळ (20 नग), मोसंबी 200 किलो, डाळींब 30 रु.(नग).

विराज फडके, म्हापसा पालिका मार्केट समितीचे अध्यक्ष-

माटोळी विक्रेत्यांसाठी पालिका मार्केट समितीने मार्केटमध्येच दोन रांगा करायचे ठरविले होते. मात्र विक्रेत्यांची संख्या वाढली. परिणामी मुख्याधिकाऱ्यांनी व्यापारी संघटनेस विश्वासात घेऊन मानवतावादी दृष्टिकोनातून तिसरी रांग वाढविली. या मार्केटमध्ये सुमारे 300 पेक्षा जास्त माटोळीविक्रेते दाखल झाले आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Mumbai Goa Highway Accident: मुंबई-गोवा महामार्गावर भीषण अपघात! कारची दुचाकीला धडक, महिलेचा जागीच मृत्यू

Goa Assmbly Live: थकबाकीदारांसाठी प्रीपेड स्मार्ट मीटर बसवा; आमदार निलेश काब्राल यांची मागणी

नाव, आडनावात बेकायदेशीरपणे बदल कराल तर खबरदार; तीन वर्षापर्यंत होऊ शकते शिक्षा, अधिवेशनात लक्षवेधी

IND vs ENG: रवींद्र जडेजाची गोलंदाजी अन् जो रुटचा रेकॉर्ड, रचला नवा इतिहास; अशी कामगिरी करणारा ठरला जगातील पहिलाच!

Mohammed Siraj: मिया भाईची 'मायसेल्फ' स्टोरी...! ऐतिहासिक विजयानंतर मोहम्मद सिराजची प्रतिक्रिया; 'त्या' आठवणीने झाला भावूक VIDEO

SCROLL FOR NEXT