Ponda: फोंड्याच्या मुख्य रस्त्यावर आज शनिवारपासून गणेश चतुर्थीचा माटोळीचा बाजार सुरू झाला. मात्र त्‍यामुळे वाहतुकीची कोंडी निर्माण होत आहे. आधीच हा वर्दळीचा रस्ता म्हणून गणला जातो. त्यात परत या रस्त्यावर गोवा बागायतदारसारखी संस्था असल्यामुळे तिथे अधिकच गर्दी होते.

शिवाय वाहतुकीसाठी हा रस्ता बंद केल्यामुळे पंडितवाडा येथून वाहतूक वळविण्यात आल्यामुळे फोंड्याच्या वाहतुकीत खंड पडताना दिसत आहे. उसगाव बाजूला जाणाऱ्या बसेस तेथून जात असल्यामुळे तिथे आज वाहनांच्‍या लांबच लांब रांगा लागलेल्या दिसत होत्या. त्यामुळे वरच्या बाजारातून खाली बसस्‍थानकापर्यंत येण्‍यास वाहनांना अर्धा तास लागत होता.

विशेष म्हणजे चतुर्थीनिमित्त आयोजित केलेला स्वयंसहाय्य गटाचा चतुर्थी बाजार हा या बाजाराच्या मागे भरविल्यामुळे तिथे ग्राहकांचा शुकशुकाट दिसत होता. या बाजारात खास करून महिलांच्या स्वयंसहाय्य गटांनी भाग घेतलेला आहे. अशा प्रकारचा फोंड्यात तरी हा पहिलाच उपक्रम आहे. हा बाजार गेल्‍या चार-पाच दिवसांपासून कार्यरत आहे. पण माटोळीचा बाजार एकीकडे आणि स्वयंपूर्ण साहाय्य बाजार दुसरीकडे असे चित्र असल्यामुळे तिथे ग्राहकांनी पाठ फिरविल्याचे दिसतेय. या बाजारात अनेक स्वयंसाहाय्य गटांचा समावेश असल्‍यामुळे त्‍यास चांगला प्रतिसाद मिळेल अशी अपेक्षा होती, मात्र सध्‍या तरी ती फोल ठरली आहे.

* राम कुंकळकर, अध्यक्ष फोंडा विकास समिती-

स्वयंसाहाय्‍य गटाचा बाजार एकीकडे आणि माटोळीचा बाजार दुसरीकडे नको होता. वाहतूक आणि इतर समस्यांचा विचार करता हे दोन्‍ही बाजार जवळजवळ असणे गरजेचे होते, जेणेकरून ग्राहकांना एकाच वेळी एकाच ठिकाणी दोन्ही प्रकारची खरेदी करता आली असती. तसेच स्वंयसाहाय्‍य गटांनाही फायदा झाला असत