गोव्याहून नेपाळकडे जाणारी बसचा उत्तर प्रदेश राज्यातील बांदा-बहराइच येथे अपघात झाला. बुधवारी (३० ऑक्टोबर) सकाळी बांदा-बहराइच रस्त्यावरील राधानगर येथे बस उलटल्याने हा अपघात झाला.

अपघातात एका मुलीसह आठ जण जखमी झाले आहेत. दोघांची प्रकृती गंभीर असल्याचे सांगण्यात येत आहे. पोलिसांनी रुग्णवाहिकेच्या मदतीने जखमींना जिल्हा रुग्णालयात दाखल केले. बसमध्ये चालकासह 40 जण होते.

मिळालेल्या माहितीनुसार, नेपाळ आणि बहराइचमधील अनेक लोक दिवाळीसाठी गावाला जात होते. अनेकजण महाराष्ट्रातील कराड भागातील कारखान्यात मजूर होते, तर काहीजण गोव्यात कामाला होते.

बस गोव्यामार्गे नेपाळला जात होती. बुधवारी सकाळी कटका बायपासजवळ ट्रॅक्टरला वाचवण्याच्या प्रयत्नात बसचे नियंत्रण सुटले आणि बस उलटली. यावेळी बसमध्ये ४० प्रवासी होते. बस उलटल्याने काही प्रवासी जखमी झाले असून, उपचारासाठी त्यांना रुग्णालयात दाखल करण्यात आले आहे.

बस चालक अर्जुनने स्थानिक पोलिसांना दिलेल्या माहितीनुसार, अपघातग्रस्त बस इंदूरची आहे. सर्वजण गोव्याहून नेपाळला जात होते.

अपघातात मेनका मेरी (60, रा.रुकुम नेपाळ), शांती देवी (35) यांच्यासह आठ जण जखमी झाले आहेत. जखमींची प्रकृती धोक्याबाहेर असल्याचे पोलिस स्टेशन प्रभारी रमेश पटेल यांनी सांगितले. सर्वांना जिल्हा रुग्णालयात दाखल करण्यात आले आहे.