अजय देवगनचा अभिनय असलेल्या दृश्यम चित्रपटाचे दोन भाग येऊन गेले, दोन्ही भागात भरपूर सस्पेन्स आणि ड्रामा पाहायला मिळाला. प्रेक्षकांनी चित्रपटाचे दोन्ही भाग चांगलाच उचलून धरले. मात्र, सुरत - गुजरातमधून एक विचित्र घटना समोर आली आहे. एका महिलेने पोटच्या अडीच वर्षीय मुलाची हत्या केली आणि तो खून लपवण्यासाठी तिने दृश्यम चित्रपटाचा मदत घेतली.

पोलिसांनी घटनेचा तपास केल्यानंतर मुलाच्या आई याप्रकरणी दोषी आढळली असून, तिला अटक करण्यात आली आहे.

नयना मांडवी असे या बांधकाम मजूर असलेल्या महिलेचे नाव असून, ती सुरतच्या दिंडोली भागात वास्तव्यास आहे. नयनाने तिचा अडीच वर्षाचा मुलगा झाल्याची तक्रार देण्यासाठी पोलीस ठाणे गाठले. तक्रार दाखल केल्यानंतर पोलिसांनी घटनेचा तपास करण्यास सुरूवात केली.

पोलिसांनी महिला काम करत असलेल्या बांधकामाच्या ठिकाणावरील सीसीटीव्ही फुटेज तपासले. सीसीटीव्ही फुटेजमध्ये मुलगा घरातून बाहेर जाताना दिसला नाही. त्यावरून पोलिसांनी मुलगा बाहेर गेला नसल्याचा निष्कर्ष काढला.

पोलिसांनी महिलेची कसून चौकशी केली, परंतु तिने कोणतेही समाधानकारक उत्तर दिले नाही.

पोलिसांनी बेपत्ता मुलाचा शोध घेण्यासाठी श्वानपथकाला पाचारण केले. परंतु पोलिसांना ठोस पुरावा मिळाला नाही. दरम्यान, महिलेने झारखंडमध्ये राहणाऱ्या तिच्या प्रियकरावर मुलाचे अपहरण केल्याचा आरोप केला.

पोलिसांनी महिलेच्या प्रियकराशी संपर्क साधला असता त्याने तो कधीच सुरतला गेला नसल्याची माहिती दिली.

मुलगा घरातून बाहेर पडला नाही, तसेच अपहरण केल्याची कोणताही पुरावा समोर आला नाही. त्यामुळे मुलाचा ठावठिकाणा शोधण्याचे मोठे आव्हान पोलिसांसमोर होते. त्यानंतर पोलिसांनी महिलेची कसून चौकशी केली, अखेरीस तिने आपल्या मुलाची हत्या केल्याची कबुली दिली.

मात्र, तिने मृतदेह कुठे लपवून ठेवला असे विचारले असता तिने सुरुवातीला खोटी माहिती दिली. सुरुवातीला, महिलेने मृतदेह खड्ड्यात पुरल्याचे सांगितले पण खोदकाम केल्यानंतर मृतदेह आढळला नाही. त्यानंतर तिने मृतदेह तलावात फेकल्याचे पोलिसांना सांगितले, मात्र तेथेही पोलिसांना काहीही सापडले नाही.

सखोल चौकशी केल्यानंतर महिलेने मृतदेह बांधकाम साइटच्या शौचालयासाठी केलेल्या खड्ड्यात टाकल्याची कबुली दिली. अखेर पोलिसांनी त्या ठिकाणी मुलाचा मृतदेह सापडला. महिला मृतदेह लपवण्यासाठी दृश्यम चित्रपट पाहत असल्याची माहिती समोर आली आहे.