काँग्रेसचे माजी अध्यक्ष राहुल गांधी (Rahul Gandhi) यांनी शुक्रवारी नवी दिल्लीतील त्यांच्या शासकीय निवासस्थानी तामिळनाडूतील कन्याकुमारी येथील शाळेतील पाहुण्यांसाठी दिवाळी डिनरचे आयोजन केले होते. ही तीच शाळा आहे जिथे राहुल गांधी यांनी या वर्षाच्या सुरुवातीला तामिळनाडू विधानसभेच्या (Assembly elections) निवडणूक प्रचारादरम्यान भेट दिली होती. मुलुगुमुडू येथे असलेल्या या शाळेचे नाव सेंट जोसेफ उच्च माध्यमिक विद्यालय आहे. ही तीच शाळा आहे जिथे त्यांनी पुश-अप केले होते.

रात्रीच्या जेवणादरम्यान झालेल्या संभाषणाचा व्हिडिओ त्यांनी ट्विटरवर शेअर केला आहे. "त्यांच्या भेटीमुळे दिवाळी आणखी खास झाली. संस्कृतींचा हा संगम आपल्या देशाची सर्वात मोठी ताकद आहे आणि ती आपण जपली पाहिजे," असे कॅप्शन या व्हिडिओला गांधींनी दिले.

पंतप्रधान झाला तर तुम्ही काय कराल?

ट्विटरवर शेअर केलेल्या एका मिनिटाच्या व्हिडीओमध्ये एका पाहुण्याने त्यांना विचारले की, तुम्ही पंतप्रधान झालात तर तुमचा पहिला आदेश कोणता असेल. त्याला उत्तर देताना केरळमधील वायनाडचे खासदार राहुल गांधी म्हणाले की, मी महिलांना आरक्षण देईन. मुलांना काय शिकवणार असे विचारले असता. यावर राहुल गांधी म्हणाले की, जर मला कोणी विचारले की तुम्ही तुमच्या मुलाला काय शिकवाल, तर मी फक्त एकच सांगेन की नम्रता, कारण नम्रता तुम्हाला समज देते.

डिनरला छोले भटुरेचा बेत

दिवाळी डिनरदरम्यान राहुल गांधींनी छोले भटुरेंचा बेत ठेवण्यात आला होता. आणि मस्त गप्पाही रंगल्या होत्या.व्हिडिओमध्ये एक व्यक्ती राहुल गांधी आणि प्रियांका गांधी यांच्या शेतकऱ्यांच्या आंदोलनाला दिलेल्या समर्थनाचे कौतुक करताना दिसत आहे. यातून खरोखरच तुमची लोकांशी असलेली एकजूट दिसून येत आहे, असेही ते म्हणाले. काँग्रेस सरचिटणीस प्रियांका गांधी यांनीही दिवाळी डिनरमध्ये पाहुण्यांशी संवाद साधला. त्याच्यासोबत गाणे गायले आणि दिवाळीच्या शुभेच्छा दिल्या.