Uttar Pradesh Crime: उत्तर प्रदेश येथून एक विचित्र प्रकरण समोर आले आहे. पतीवर नाराज असलेल्या एका महिलेने पोलिसांत पतीविरोधात तक्रार दिली आहे.

पतीने पत्नीचे फेसबुक अकाउंट हॅक करून आक्षेपार्ह पोस्ट शेअर केल्या, असा आरोप महिलेने केला आहे.

तक्रारदार महिला सासरच्या घरी गेली तेव्हा तिच्या खोलीला कुलूप होते, तिने पतीकडून चावी मागितली असता त्याने मोबाईल हिसकावून घेतला, त्यानंतर त्याने माझे फेसबुक अकाउंट हॅक केले आणि अनेक आक्षेपार्ह पोस्ट शेअर केल्या, असा आरोप महिलेने केला आहे.

महिलेने पोलीस हेल्पलाइन 1090 वर तक्रार केली असता पतीने तिला मारहाण करून घराबाहेर हाकलून दिले. सासरच्या मंडळींनी छळ केल्याचा आरोप करत तिने पोलिसांकडे कारवाईची मागणी केली आहे.

महिला नुकतीच सासरच्या घरी पोहोचली आणि तिने पतीकडे खोलीची चावी मागितली, तेव्हा तो रागाने तिला मारहाण करू लागला आणि मोबाईल हिसकावून घेतला तसेच गळ्याची चेन हिसकावून घेतली.

महिलेने दिलेल्या तक्रारीनंतर तिच्या पतीला ताब्यात घेण्यात आले आणि चौकशी नंतर सोडून देण्यात आले. या घटनेपूर्वी तिच्या पतीने तिचे फेसबुक अकाउंट हॅक करून आक्षेपार्ह पोस्ट टाकल्याचा आरोपही महिलेने केला आहे. तक्रार केल्यावर पतीने तिला घराबाहेर हाकलून दिले.