पश्चिम बंगालच्या (West Bengal) दक्षिण 24 परगणा जिल्ह्यातून मोठी बातमी समोर येत आहे. येथे एका वसतिगृहातील 10 विद्यार्थी विजेचा धक्का लागून जखमी झाले आहेत. 5 विद्यार्थ्यांची प्रकृती गंभीर असल्याचे सांगण्यात येत आहे. त्यांना काकद्वीप सुपर स्पेशालिटी रुग्णालयात दाखल करण्यात आले आहे.

मिळालेल्या माहितीनुसार, वसतिगृहाच्या आत विद्युत तार तुटलेली होती. त्याकडे वसतिगृह प्रशासनाने लक्ष दिले नाही. तारेत करंट येत होता आणि सर्व विद्यार्थी त्याच्या कचाट्यात आले. विजेचा धक्का लागून 5 विद्यार्थ्यांची प्रकृती गंभीर असल्याचे सांगण्यात येत आहे. त्यांना रुग्णालयात दाखल करण्यात आले आहे. 

याआधी यूपीतील देवरिया येथूनही असेच प्रकरण समोर आले होते. येथे दहावीच्या विद्यार्थ्याचा विजेचा धक्का लागून मृत्यू झाला होता. मृताचे वडील यूपी पोलिसात उपनिरीक्षक असून बाराबंकीचे रहिवासी आहेत. ही घटना सलेमपूर कोतवाली पोलीस ठाण्याच्या हद्दीतील चांदपलिया गावात घडली. मृत अमित हा कोचिंगचा अभ्यास करून परतत असताना वाटेत हाय टेंशन लाइनच्या तुटलेल्या वायरच्या कचाट्यात आला. तारेत करंट येत होता. वीज विभागाच्या निष्काळजीपणामुळे त्यांना जीव गमवावा लागला.