West Bengal News: फेसबुकवर ओळख झाली आणि प्रेमात पडली. प्रियकराला भेटण्यासाठी तिने सीमाही ओलांडली. बांगलादेशातून बेकायदेशीररित्या भारतात येऊन तिने लग्न केले, पण शेवटी ती पोलिसांच्या नजरेतून सुटू शकली नाही.
घुसखोरीच्या आरोपाखाली बर्दवान पोलिसांनी एका बांगलादेशी तरुणीला अटक केली आहे. तिला आश्रय दिल्याच्या आरोपाखाली बर्दवान शहरातील तेंतुलताला बाजार परिसरातून एका तरुणालाही अटक करण्यात आली आहे.
दरम्यान, अटकेनंतर तरुणीने संपूर्ण घटनाक्रम सांगितला. या घटनेमागे आणखी काही कारण आहे का, याचा तपास पोलीस (Police) आता करत आहेत. नूरताज अख्तर असे अटक करण्यात आलेल्या बांगलादेशी तरुणीचे नाव आहे. अठरा वर्षीय नूरताजचे घर बांगलादेशातील नारायणगंज येथील इनायतनगर येथे आहे. तिने लग्न केलेल्या बर्दवानमधील तरुणाचे नाव शेख शमीम आहे.
दुसरीकडे, आरोपींना बर्दवान न्यायालयात (Court) हजर केले असता न्यायाधीशांनी त्यांना न्यायालयीन कोठडीत ठेवण्याचे आदेश दिले. नूरताजची माहिती देत न्यायाधीशांनी बांगलादेशच्या उच्चायुक्तांमार्फत त्या देशाला माहिती देण्याचे आदेश दिले आहेत.
पूर्व बर्दवान जिल्हा पोलीस डीएसपी (मुख्यालय) अतनु घोषाल म्हणाले की, जे काही केले जाईल ते परदेशी कायद्यानुसार केले जाईल. शेख शमीम याने नूरताजला अनैतिक मार्गाने बनगाव हद्दीतून देशात आणल्याची प्राथमिक माहिती मिळाली आहे. त्याला अटकही करण्यात आली आहे. या तरुणीला येथे का आणले याचा सखोल तपास पोलिसांनी सुरु केला आहे.
तसेच, कोलकात्याच्या एका स्वयंसेवी संस्थेने शनिवारी बर्दवान पोलीस ठाण्यात तक्रार दाखल केली होती. तक्रारीनुसार, नूरताज अख्तर आणि नादी अख्तर नावाच्या दोन बांगलादेशी मुलींना तेंतुलताला मार्केट आणि बर्दवानच्या लष्करदिघी भागात आणण्यात आले. बांगलादेशातून येथे विकल्या गेल्याची तक्रारही संस्थेने केली होती.
यानंतर पोलिसांनी छापा टाकून नूरताज अख्तरचा ठावठिकाणा शोधून काढला. नूरताजची चौकशी केल्यानंतर ती कोणत्याही पासपोर्ट किंवा व्हिसाशिवाय बांगलादेशातून देशात दाखल झाल्याचे पोलिसांना समजले.
चौकशीदरम्यान नूरताजने दावा केला की, ती तीन महिन्यांपूर्वी भारतात आली होती. मुस्लिम रितीरिवाजांनुसार तिने शमीमशी लग्न केले. ते येथे पती-पत्नी म्हणून राहत होते. दरम्यान, शमीमने फेसबुकवर नूरताजला भेटल्याचा दावा केला आहे. इथेच प्रेम झाले.
त्याने नूरताजला बांगलादेशातून आणून मुस्लिम प्रथेनुसार लग्न केले. दुसरीकडे, स्वयंसेवी संस्थेचे अधिकारी शेख जिन्नार अली यांनी दावा केला की, बांगलादेशातील काही मुलींची विक्री करण्यात आल्याची माहिती त्यांना मिळाली होती.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.