पश्चिम बंगालमधील मुर्शिदाबाद जिल्ह्यातून एक संतापजनक घटना समोर आली आहे. जे वाचून तुमचाही थरकाप उडणार आहे. अवघ्या 13 वर्षांच्या मुलीवर लैगिंक अत्याचार करण्यात आला आहे. तिचे स्तन कापले गेले आणि डोळे काढून फेकून दिले नंतर निर्घृण हत्या करून तिला पुरले गेले. ही घटना उघडकीस येताच कोर्टाच्या आदेशानंतर मुलीचा मृतदेह बाहेर काढून पोस्टमॉर्टमसाठी पाठवण्यात आला.
हृदयाला हादरवणारी ही घटना मुर्शिदाबादच्या हरिहरपारा येथे घडली. येथे एक 13 वर्षांची मुलगी अचानक बेपत्ता झाली. 27 जानेवारी रोजी गावातील मोहरीच्या शेतात मुलीचा मृतदेह आढळून आला होता. मृतदेह कोणत्या अवस्थेत होता.
डोळे काढले होते
मुलीच्या कुटुंबीयांनी सांगितले की तिचे दोन्ही स्तन कापले गेले आहेत. डोळेही काढले. शरीरावर अनेक ठिकाणी दात चावल्याच्या खुणा होत्या. कुटुंबीयांनी मुलीवर बलात्कार आणि हत्येचा आरोप केला होता. पण पोलिसांनी कुटुंबीयांचे म्हणणे न ऐकता पंचनामा करून मृतदेह पुरला.
20 दिवसांनी मृतदेह बाहेर काढला
कुटूबीयांनी मुलीचे शवविच्छेदन करण्यास सांगितले मात्र पोलिसांनी त्यांचे काहीही न ऐकता तिच्यावर अंत्यसंस्कार केल्याचा आरोप कुटुंबीयांनी केला आहे. या प्रकरणी कुटुंबीयांनी कोलकाता उच्च न्यायालयात दाद मागितली. न्यायालयाच्या आदेशानंतर 20 दिवसांनी मुलीचा मृतदेह कबरीतून बाहेर काढण्यात आला.
मृतदेह पोस्टमॉर्टमसाठी पाठवला
मुलीचा मृतदेह बाहेर काढण्यापूर्वी घटनास्थळी पूर्ण पोलीस बंदोबस्त तैनात करण्यात आला होता. मृतदेह पोस्टमॉर्टमसाठी कोलकाता एसएसकेएम हॉस्पिटलमध्ये पाठवण्यात आला आहे. पोलिसांनी 2 आरोपींना अटक केली आहे. परिसरात मोठ्या प्रमाणात पोलीस बंदोबस्त तैनात करण्यात आला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.